ورىنسىز توقتاتۋعا ون جەردەن تىيىم

سەنات توراعاسى قاسىم-جومارت توقاەۆتىڭ جەتەكشىلىگىمەن وتكەن پالاتانىڭ كەشەگى جالپى وتىرىسىندا ەلىمىزدەگى جول ءجۇرىسىنىڭ جۇمىس ىستەۋىن جانە ونىڭ قاۋىپسىزدىگىن قامتاماسىز ەتۋدىڭ قۇقىقتىق نەگىزدەرى مەن شارتتارىن بەلگىلەيتىن زاڭدىق قۇجاتتار قارالدى. «جول ءجۇرىسى تۋرالى» جانە وعان ىلەسپە زاڭ جوبالارى (ەكىنشى وقىلىم) بويىنشا باياندامانى كونستيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى كوميتەتىنىڭ توراعاسى سەرىك اقىلباي جاسادى. ونىڭ ءسوزى­نە قاراعاندا, سەنات زاڭ جوباسى­نان «جۇرگىزۋدىڭ اگرەسسيۆتى ءادىسى» ۇعىمىن الىپ تاستاۋدى ۇسىنىپ وتىر. ويتكەنى, بۇل نورمادا اكىم­شىلىك قۇقىق بۇزۋشىلىق تۋرالى كودەكستىڭ «مانەۆر جاساۋ, باسىپ وزۋ قاعيدالارىن بۇزعانى نەمەسە كولىك قۇرالىنىڭ قوزعالىسىنا كەدەرگى جاساعانى» ءۇشىن جاۋاپتىلىق بەل­گىلەيتىن بىرقاتار باپتار قام­تىلعان. بۇدان باسقا, جول ءجۇرىسى سالاسىنداعى مەملەكەتتىك باقىلاۋ مەن قاداعالاۋدى جۇزەگە اسىراتىن ۋاكىلەتتى ورگان لاۋازىمدى ادامىنىڭ جۇرگىزۋشىگە جانە جولاۋ­شىعا كولىك قۇرالىنىڭ سالونىن تاستاپ كەتۋگە رۇقسات بەرۋ قۇقىعى بولاتىن جاعدايلار ناقتىلانعان. ەندى جول پوليتسياسى قىزمەت­كەرلەرى جۇرگىزۋشىلەردى تەك 8 نەگىز بويىنشا توقتاتا الادى. اتاپ ايت­قاندا, توقتاتۋلار كولىك قۇرالى جۇرگىزۋشىسىنىڭ جول ءجۇرىسى مەن تەحنيكالىق تىركەۋ قاعيدالارىن بۇزۋى, ۇرلانعان كولىك قۇرالدارىن جۇرگىزۋى, جول-كولىك وقيعالارى مەن قىلمىس بولعان جەردەن قاشىپ كەتۋى سياقتى كەلەڭسىزدىكتەرمەن بايلانىستى ورىن الماق. قالعان جاعدايلاردا ورىنسىز توقتاتۋلارعا تىيىم سالىنادى. زاڭدى كۇشىنە ەنگەن سوت اكتى­لەرىنىڭ, ۋاكىلەتتى ورگان قاۋ­لى­لارىنىڭ تالاپتارى ورىندالماعان جاعدايدا كولىك قۇرالدارىن پايدالانۋعا تىيىم سالۋ كوزدەلگەن. الايدا, سەناتورلار بۇل نورمانى الىپ تاستاۋدى ۇسىندى. كولىك جۇرگىزۋشىسىنىڭ قۇجاتى بۇۇ تالاپتارىنا سايكەس ءازىر­لەنىپ, وندا 7 مەن 6 ساناتتىڭ تار­ماقشالارى قامتىلادى. كوميتەت توراعاسىنىڭ ايتۋىنشا, سالىنعان ايىپپۇل ءبىر تاۋلىك ىشىندە تولەنسە, 50 پايىزىن عانا وتەۋ, ال اپتا ىشىندە تولەنىپ جاتسا 30 پايىزىن كەمىتۋ كوزدەلەدى. وسىلايشا, ازاماتتاردىڭ ءوز كىناسىن ءتۇسىنىپ, ايىپپ ۇلىن ەرتەرەك تولەپ تاستاۋعا مۇمكىندىك بەرىلگەن. مۇنىڭ ماتەريالدىق قىزى­عۋ­شى­لىق تۋعىزاتىنى دا انىق. سونداي-اق, زاڭ جوباسىمەن مۇگەدەكتەرگە ارنالعان ورىندارعا اۆتوكولىكتەردى قويىپ كەتۋگە بولمايتىندىعى نازار­دان تىس قالماعان. جانە دە جال­پى توقتاۋعا قاتىستى ەرە­جەنى بۇزعانى ءۇشىن اكىمشىلىك جاۋاپكەرشىلىك قاراستىرىلعان. اسىرەسە, جۇرگىزۋشىلەردى دايارلاۋ ءتار­تىبىن بۇزعاندارعا دا جاۋاپ قا­تايادى. ەكى وقىلىمدا جان-جاقتى تالقىدان وتكەن جول ءجۇرىسى تۋرالى زاڭ جوبالارى سەنات ەنگىزگەن بىرقاتار وزگەرىستەرىمەن ماجىلىسكە قايتارىلدى. ەگەر تومەنگى پالاتا كەلىسكەن جاعدايدا زاڭ جوبالارى پرەزيدەنتتىڭ قول قويۋىنا جولدانادى. اسقار تۇراپباي ۇلى, «ەگەمەن قازاقستان».