وزبەكستان رەسپۋبليكاسىنىڭ پرەمەر-ءمينيسترى ابدۋللا اريپوۆپەن, سونداي-اق وزبەكستان رەسپۋبليكاسى پرەمەر-ءمينيسترىنىڭ ورىنباسارى - قر ينۆەستيتسيالار جانە سىرتقى ساۋدا ءمينيسترى ساردور ومىرزاقوۆپەن, وزبەكستان رەسپۋبليكاسىنىڭ كولىك ءمينيسترى يلحوم ماحكاموۆپەن جانە قر اۋىل شارۋاشىلىعى ءمينيسترى ءجامشيد حودجاەۆپەن كەزدەسۋدە ەكىجاقتى ساۋدا-ەكونوميكالىق قاتىناستاردىڭ نەگىزگى ماسەلەلەرى تالقىلاندى.
قاتىسۋشىلار ءوزارا ساۋدا كولەمىن $10 ملرد-قا دەيىن ۇلعايتۋدى بىرلەسكەن جۇمىس ءۇشىن ءبىرىنشى كەزەكتەگى مىندەتتەردىڭ ءبىرى دەپ بەلگىلەدى.
تاراپتار «ورتالىق ازيا» حالىقارالىق ساۋدا-ەكونوميكالىق ىنتىماقتاستىق ورتالىعى (حسەىو) جوباسىن ىسكە اسىرۋ بارىسىن تالقىلادى.
ء«بىز بۇل ورتالىقتى قازاقستان مەن وزبەكستان شەكاراسىنداعى ساۋدا جانە يندۋستريالىق حابتاردىڭ بىرىڭعاي ەكوجۇيەسى جانە ورتالىق ازيا وڭىرىندەگى جۇك اعىندارىنىڭ نەگىزگى تورابى رەتىندە قاراستىرامىز», - دەپ اتاپ ءوتتى باقىت سۇلتانوۆ.
بۇدان باسقا, وسى ورتالىقتىڭ ونەركاسىپتىك باعىتى تۋرالى ۋاعدالاستىققا قول جەتكىزىلدى, بۇل ەكى ەلدىڭ ونەركاسىپتىك كووپەراتسياسىن دامىتۋعا مۇمكىندىك بەرەدى.
تاراپتار ءور پرەزيدەنتىنىڭ نۇر-سۇلتانعا ساپارى اياسىندا ءتيىستى قۇجاتتاردا بەكىتىلەتىن قورىتىندى ۋاعدالاستىقتارعا شىعۋ قاجەتتىگىن اتاپ ءوتتى.
حسەىو بارىنشا ەكونوميكالىق اسەرگە قول جەتكىزۋ ءۇشىن جانە سولتۇستىك-وڭتۇستىك, باتىس ەۋروپا – باتىس قىتاي كولىك دالىزدەرىمەن ينتەگراتسيالاۋ ماقساتىندا قازاقستان تاراپى حسەىو-نى قازاقستان رەسپۋبليكاسىنىڭ اۋماعىندا «الاتاۋ» سو جانە «قورعاس» شىحو-مەن, سونداي-اق وزبەك-اۋعان شەكاراسىندا «تەرمەز» حسو-مەن جانە وزبەكستان شەكاراسىندا جوسپارلانىپ وتىرعان ۇقساس شەكارا ماڭىنداعى ورتالىقتاردى قىرعىزستانمەن جانە تۇرىكمەنستانمەن ۇشتاستىرۋدى قامتاماسىز ەتۋدى ۇسىندى.
قر ساۋدا جانە ينتەگراتسيا ءمينيسترىنىڭ - قر پرەزيدەنتىنىڭ وزبەكستان بويىنشا ارنايى وكىلىنىڭ كەزدەسۋلەرى كەزىندە حسەىو جوباسىن ىسكە اسىرۋ قازاقستاندىق جانە وزبەك تاۋارلارىن ءۇشىنشى ەلدەردىڭ ءىرى نارىقتارىنا بىرلەسىپ جەتكىزۋ ءۇشىن ەۋرازيالىق تاۋار وتكىزۋ جەلىسىن قۇرۋ جونىندەگى باستامانى ىلگەرىلەتۋ, سونداي-اق ماۋسىمارالىق كەزەڭدە ءوز نارىقتارىن مولىقتىرۋ شەڭبەرىندە ەرەكشە وزەكتى ەكەنى ايتىلدى.
كەزدەسۋلەر بارىسىندا قازاقستاننىڭ ينۆەستورلارى ەسەبىنەن وزبەكستان اۋماعىندا قوسىمشا 3 كتو سالۋ ماسەلەسى, سونداي-اق قر سولتۇستىك وڭىرلەرىندە وزبەك بيزنەسىنىڭ كتو قۇرۋ مۇمكىندىگى تالقىلاندى.
قول جەتكىزىلگەن تاعى ءبىر كەلىسىم اگروەكسپرەسس قالىپتاستىرۋ بويىنشا بىرلەسكەن جۇمىس تۋرالى شەشىم بولدى. قازاقستان مەن وزبەكستان بارىنشا ءوزارا ءتيىمدى ناتيجەگە قول جەتكىزۋ ءۇشىن ءوز ءىس-قيمىلدارىن ۇيلەستىرۋدى جوسپارلاپ وتىر. تاراپتار, سونداي-اق, ماۋسىمارالىق كەزەڭدە ىشكى سۇرانىستى تۇراقتاندىرۋ ءۇشىن ەرتە داقىلداردى جەتكىزۋ بويىنشا فوراوردتىق كەلىسىمشارتتارعا قول قويۋعا مۇددەلىلىك ءبىلدىردى.
كەزدەسۋ بارىسىندا تاراپتار ءوزارا ساۋداداعى كەدەرگىلەردى جويۋ بويىنشا جۇمىستاردى دا تالقىلادى. باقىت سۇلتانوۆ تمد تاۋارلارىنىڭ شىعارىلعان ەلىن انىقتاۋ ەرەجەلەرىن بىرىزدەندىرۋ قاجەتتىگىنە نازار اۋداردى, بۇل ەكى ەلدىڭ ءوزارا ساۋداسىنىڭ ارتۋىنا وڭ اسەر ەتەدى جانە $10 ملرد بەلگىسىنە ودان دا تەز قول جەتكىزۋگە مۇمكىندىك بەرەدى.
سونداي-اق, قازاقستان مەن وزبەكستاننىڭ كولىك سالاسىنداعى, سونىڭ ىشىندە تەمىرجول كولىگى سالاسىنداعى ىنتىماقتاستىعى تالقىلاندى. قازاقستان تق-نىڭ ترانسكاسپي حالىقارالىق كولىك باعدارىنا قاۋىمداستىرىلعان مۇشەلەر رەتىندە كىرۋىن قۇپتايدى.
وزبەكستان رەسپۋبليكاسى پرەزيدەنتىنىڭ الداعى ساپارى اياسىندا تاراپتار وڭىرارالىق ىنتىماقتاستىق فورۋمى مەن بيزنەس-فورۋمدى وتكىزۋ مۇمكىندىگىن تالقىلادى.
بۇرىن حابارلانعانداي, وزبەكستان رەسپۋبليكاسىنىڭ پرەزيدەنتى ش.م. ميرزيەەۆتىڭ قازاقستان رەسپۋبليكاسىنا مەملەكەتتىك ساپارى 2021 جىلدىڭ سوڭىنا دەيىن كۇتىلۋدە.
