بۇل تۋرالى Kolesa.kz جازادى.
جاڭا ماشينا تاپشىلىعىنا قاراماستان, ەلدەگى اۆتونارىق جاقسى ناتيجە كورسەتۋدە. جىل باسىنان بەرى 96 836 دانا جاڭا كولىك ساتىلدى, بۇل بىلتىرعى كورسەتكىشپەن سالىستىرعاندا 31.9 %-عا ارتىق. ال قازاقستاندا قۇراستىرىلعان اۆتوكولىكتەر ۇلەسى 70 %-دان اسقان.
ۇلتتىق ستاتيستيكا بيۋروسىنىڭ ەسەپتەۋىنشە, ەلدە وندىرىلگەن اۆتوكولىكتەردىڭ (71 245 دانا) جالپى قۇنى 557 ميلليارد تەڭگە بولدى. جەڭىل اۆتوموبيل وندىرىسىمەن قاتار ەكسپورتقا شىعاتىن كولىك سانى دا ارتىپ كەلەدى.
«قازاقستان اۆتوبيزنەس اسسوتسياتسياسى (قابا) حابارلاعانداي, 2021 جىلدىڭ ون ايىندا اۆتوموبيل ەكسپورتى 61 %-عا ءوسىپ, جالپى سوماسى 64.1 ملرد تەڭگە بولاتىن 9694 ماشينا شەتەلگە كەتتى. ياعني 149 ملن اقش دوللارى قازاقستان قازىناسىنا قۇيىلدى», دەلىنگەن اقپاراتتا.
شەتەل اساتىن كولىكتىڭ كوبى بۇرىنعىداي «سارىارقااۆتوپروم» زاۋىتىندا جاسالادى, قوستانايدا وندىرىلگەن Chevrolet مەن JAC رەسەيگە ساتىلادى. ال الماتىداعى Hyundai Trans Kazakhstan بەلارۋس پەن وزبەكستانعا Hyundai مودەلدەرىن شىعارادى. بيىل قازاقستان كورشى ەلدەرگە 3977 دانا Chevrolet, 3463 Hyundai جانە 2254 JAC (ليفتبەك جانە كروسسوۆەر) جىبەردى.
