پانەلدىك سەسسيالار مەن پىكىرتالاس الاڭدارىنىڭ ءبىرىنشى كۇنى بۇۇ-نىڭ تۇراقتى دامۋ ماقساتتارىنا, ۇلتتىق قۇقىق قورعاۋ ينستيتۋتتارىنا, ادام ساۋداسىنا قارسى كۇرەسكە ارنالعان «ادامورتالىق - بولاشاق مەملەكەتىنىڭ باسىمدىعى» تاقىرىبىمەن ءوتتى. سونىمەن قاتار قاۋىپسىزدىك, ەكولوگيا, دەنساۋلىق ساقتاۋ, ءبىلىم بەرۋ ماسەلەلەرى تالقىلاندى.
ءبىرىنشى كۇننىڭ ءىس-شارالارىنا قر پارلامەنتى ءماجىلىسىنىڭ دەپۋتاتتارى د.مىڭباي, ا. قۇسپان, ي.ۋنجاكوۆا, ە. اباكانوۆ, ل. رامازانوۆا, ەقىۇ وكىلى ديانا ديگول, اقجكب ديرەكتورى جوۆتيس ەۆگەني, بۇۇدب قازاقستانداعى تۇراقتى وكىلىنىڭ ورىنباسارى ۆرەميش ۆيتالي, قر ءسىم ەرەكشە تاپسىرمالار جونىندەگى ەلشىسى سۇلەيمەن ۇسەن, قر ادام قۇقىقتارى جونىندەگى ۋاكىل ءازىموۆا ەلۆيرا, قازاقستاندىق ۇەۇ كوشباسشىلارى مەن قوعام بەلسەندىلەرى مارات ءباشىموۆ, ايگۇل سولوۆەۆا, ديدار سماعۇلوۆ, مۇرات ابەنوۆ, نادەجدا پەتۋحوۆا, باقىت تۇمەنوۆا, نۇركەن حالىقبەرگەن جانە باسقالارى قاتىستى.
ءبىرىنشى ديسكۋسسيا كەزىندە قاتىسۋشىلار قازاقستاننىڭ بۇۇ-نىڭ تۇراقتى دامۋ ماقساتتارىن ىسكە اسىرۋى كونتەكستىندەگى نەگىزگى ستراتەگيالىق باعدارلاردى بەلگىلەدى.
«ۇلتتىق قۇقىق قورعاۋ ينستيتۋتتارى – ادام قۇقىقتارىنىڭ ىرگەتاسى» تاقىرىبىن ساراپتامالىق تالقىلاۋ بارىسىندا قاتىسۋشىلار پاريج قاعيداتتارىنا سايكەس ينستيتۋتسيونالدىق جانە فۋنكتسيونالدىق تۇرعىدان نىعايتا وتىرىپ, جۇمىس ىستەپ تۇرعان جانە قۇرىلاتىن مامانداندىرىلعان قۇقىق قورعاۋ ۇيىمدارىنىڭ قىزمەتىن قولداۋ قاجەتتىگىن اتاپ ءوتتى.
فورۋم قاتىسۋشىلارى قازاقستاندا ادام ساۋداسىنا قارسى كۇرەس تاقىرىبى وزەكتى ەكەنىنە جانە مەملەكەت, ازاماتتىق قوعام جانە باق تاراپىنان پروبلەمانى شەشۋگە نەعۇرلىم جۇيەلى قاتىسۋدى تالاپ ەتەتىنىنە ەرەكشە نازار اۋداردى.
ەقىۇ-نىڭ «ايەلدەر. بەيبىتشىلىك. قاۋىپسىزدىك. ازاماتتىق قوعامنىڭ ءرولى» پانەلدىك سەسسياسى بارىسىندا سپيكەرلەر ماقساتتارعا قول جەتكىزۋ ءۇشىن ستەرەوتيپتەردى جويۋ كەرەك ەكەنىن, ايەلدەردىڭ شەشىم قابىلداۋ پروتسەسىنە قاتىسۋى مىندەتتى بولۋى كەرەك ەكەنىن اتاپ ءوتتى. ولاردىڭ پىكىرىنشە, گەندەرلىك اسپەكتىلەر جوعارى وقۋ ورىندارىنىڭ وقۋ باعدارلامالارىنا ەنگىزىلۋى ءتيىس.
قازىرگى قوعامداعى دەنساۋلىق ساقتاۋدىڭ جاڭا پاراديگماسىنىڭ ماسەلەلەرى بولەك قارالدى.
ديسكۋسسيا بارىسىندا كەلەسى ۇسىنىستار ايتىلدى:
- جوو مەن كوللەدج ستۋدەنتتەرىنىڭ جۇقپالى ەمەس اۋرۋلاردىڭ الدىن الۋ نەگىزدەرىن, ولاردىڭ قاۋىپ فاكتورلارىن زەردەلەۋ جانە سىرقاتتانۋدى كوتەرۋ كەزىندە ستۋدەنتتەردى ۆولونتەرلىك قوزعالىسقا تارتۋ;
- اۋىلدىق جەرلەردە جۇمىس ىستەيتىن جاس مامانداردى ودان ءارى وقىتۋ ءۇشىن قولايلى جۇمىس جاعدايلارى مەن جەڭىلدىكتەر جاساۋ;
- ولاردى وزىق مەديتسينالىق كلينيكالاردا وقىتۋ مۇمكىندىگىن قامتاماسىز ەتۋ;
- وقۋشىلار مەن جاسوسپىرىمدەردى ءتيىمدى ساۋىقتىرۋ بويىنشا عىلىمي سۇيەمەلدەۋ جانە ۇسىنىمدار ازىرلەۋ.
سپيكەرلەردىڭ پىكىرىنشە, جوعارى وقۋ ورىندارىنداعى اكادەميالىق ەركىندىك قايتا قاراۋدى تالاپ ەتەدى.
«ولار ءبىلىم بەرۋ ساپاسىن ارتتىرۋعا ۇمتىلسا دا, ءبارى كەرى قايتارىلۋدا», دەيدى پىكىرسايىس قاتىسۋشىلارى.
سونداي-اق فورۋمدا ديپلومداردى ساتاتىن وقۋ ورىندارىنىڭ اتاۋلارى جاريالانۋى كەرەك دەگەن پىكىر ايتىلدى.
فورۋمنىڭ ءبىرىنشى كۇنىنىڭ سوڭىندا جوعارى وقۋ ورىندارىنىڭ ازاماتتىق قوعامنىڭ الەۋەتىن نىعايتۋداعى ءرولى تۋرالى پانەلدىك پىكىرتالاس ءوتتى.
