ناۋقان ەكى كەزەڭنەن تۇرادى. وسىعان دەيىن ۆاكتسينانىڭ ەكى دوزاسىن دا سالدىرعاندار جاڭا جىلعا دەيىن ءۇشىنشىسىن قابىلدايدى.
بۇل مەديتسينا قىزمەتكەرلەرى, مۇعالىمدەر, مەديتسينالىق-الەۋمەتتىك مەكەمەلەر مەن جابىق بالالار مەكەمەلەرىنىڭ ماماندارى, سونداي-اق كۇش قۇرىلىمدارىنىڭ قىزمەتكەرلەرى.
وسىعان وراي قر باس سانيتار دارىگەرىنىڭ مىندەتىن اتقارۋشى ايجان ەسماعامبەتوۆانىڭ COVID-19 كوروناۆيرۋس ينفەكتسياسىنا قارسى رەۆاكتسيناتسيا جۇرگىزۋ تۋرالى قاۋلىسى جاريالاندى.
قۇجاتتا كۆي-گە قارسى رەۆاكتسيناتسياعا جاتاتىن حالىقتىڭ تاۋەكەل توپتارى كورسەتىلگەن.
ولار: 1) مەديتسينا قىزمەتكەرلەرى; 2) پەداگوگتەر; 3) كۇش قۇرىلىمدارىنىڭ قىزمەتكەرلەرى; 4) مەديتسينالىق-الەۋمەتتىك مەكەمەلەردىڭ پەرسونالى مەن كونتينگەنتى; 5) 60 جاستان اسقان ادامدار; 6) بۇعان دەيىن كۆي-گە قارسى ۆاكتسينا السا دا, يممۋنيتەتى السىرەگەن ادامدار (يممۋنوسۋپرەسسيۆتى تەراپياداعى ادامدار (لەيكەميانى, ليمفومانى جانە ميەلومانى قوسا العاندا, قاتتى ىسىكتى نەمەسە گەماتولوگيالىق قاتەرلى ىسىكتى بەلسەندى يممۋنوسۋپرەسسيۆتى ەمدەۋ نەمەسە وسىنداي ەمدەۋ توقتاتىلعاننان كەيىن 12 اي ىشىندە), گەمودياليزدەگى ادامدار, ترانسپلانتات رەتسيپيەنتتەرى, ايتۆ جۇقتىرعان اۋىر باستاپقى يممۋن تاپشىلىعى); 7) ءوز بەتىنشە تەكسەرىلۋ ناتيجەسىندە اعزاسىندا كۆي-گە قارسى انتيدەنە جوق ەكەنى انىقتالعان ادامدار.
