ەلەكتر جەلىلەرىن باسقارۋ كومپانياسىنىڭ مالىمەتىنشە, 19 قاراشادا ەكىباستۇز گرەس-1 ستانساسىندا قۋاتى 500 مۆت №5 بلوك اپاتتى جاعدايدا وشكەن, ال 20 قاراشادا وسى ستانسادا قۋاتى 500 مۆت №8 بلوكتىڭ جۇمىسى دا اپاتتى جوندەۋ جۇرگىزۋ ءۇشىن توقتاتىلعان.
كومپانيا ەكى بلوكتىڭ ىستەن شىعۋىنا بايلانىستى 20 قاراشادا قازاقستاننىڭ بىرىڭعاي ەلەكتر ەنەرگەتيكا جۇيەسىندە ەلەكتر قۋاتىن ءوندىرۋ كولەمى 1000 مۆت-عا دەيىن ازايىپ كەتكەنىن, بۇل بىرىڭعاي ەلەكتر ەنەرگەتيكا جۇيەسىندەگى قۋات دەفيتسيتىن 1500 مۆت-دان استام دەڭگەيگە ۇلعايتقانىن حابارلادى.
«قازىرگى جاعداي رەسەي ەنەرگيا جۇيەلەرىنىڭ شەكاراسىندە قۋاتتىڭ شەكتى دەڭگەيىنەن تومەندەۋىنە, مەملەكەتارالىق ەلەكتر بەرۋ جەلىلەرىنە تۇسەتىن جۇكتەمەنىڭ ارتىپ قايتالانا بەرەتىن اپات قاتەرىنىڭ پايدا بولۋىنا سوقتىرۋى مۇمكىن.
قازاقستاننىڭ بىرىڭعاي ەلەكتر ەنەرگەتيكا جۇيەسىندە گەنەراتسيا تومەندەۋى سالدارىن بارىنشا ازايتۋ جانە ۇدايى قايتالاناتىن اپاتتاردى بولدىرماۋ ءۇشىن «KEGOC» اق قر ەنەرگەتيكا مينيسترلىگىنىڭ كەلىسىمىمەن, وڭىرلىك ەلەكترجەلىسى كومپانيالارىمەن بىرلەسە وتىرىپ ونەركاسىپ تۇتىنۋشىلارىنا ەلەكتر قۋاتىن بەرۋدى شەكتەيدى. شەكتەۋگە جاتقىزىلعان تۇتىنۋشىلار ءتىزىمى جەرگىلىكتى اتقارۋشى ورگاندارمەن كەلىسىلگەن», دەلىنگەن حابارلامادا.
