ناقتى سەكتور كاسىپورىندارىنا جۇرگىزىلگەن ساۋالنامانىڭ قورىتىندىسى شيكىزات پەن ماتەريالدار جانە دايىن ءونىم باعاسىنىڭ ءوسۋ قارقىنىنىڭ باياۋلاعانىن كورسەتەدى. «2021 جىلعى 3-توقساندا بارلىق قاراستىرىلىپ وتىرعان سالالاردا ء(وندىرۋشى, وڭدەۋشى, قۇرىلىس, ساۋدا, اۋىل شارۋاشىلىعى, كولىك) شيكىزات پەن ماتەريالدار جانە دايىن ءونىم باعاسىنىڭ ءوسۋ قارقىنىنىڭ باياۋلاۋى بايقالدى.
اۋىل شارۋاشىلىعىندا, قۇرىلىس پەن كولىكتە وندىرىستىك قۋاتتاردى جۇكتەۋ دەڭگەيى كوتەرىلدى. بارىنشا جوعارى دەڭگەي تاۋ-كەن ءوندىرۋ سالاسىندا (61,1%), تومەن دەڭگەي – قۇرىلىستا (51,4%) ساقتالىپ وتىر», دەدى ج. شايماردانوۆ.
رەسپوندەنتتەردىڭ جاۋاپتارىنا سايكەس, ءىس جۇزىندە بارلىق سالالاردا باسەكەلەستىك ماڭىزدىلىعىنىڭ جوعارى دەڭگەيى بۇرىنعىسىنشا ساقتالىپ وتىر. كاسىپورىنداردىڭ 42,4%-ى ءوز بيزنەسىنە اسەرىن سەزىنەتىن ساۋدا كاسىپورىندارى نارىقتىق باسەكەلەستىكتىڭ ىقپالىنا ۇشىراۋعا بارىنشا بەيىم بولىپ كەلەدى. ەڭ از ۇلەس اۋىل شارۋاشىلىعى مەن تاۋ-كەن ونەركاسىبىندە بايقالدى (تيىسىنشە 19,0% جانە 14,6%).
«2021 جىلعى 3-توقساندا ساۋالنامالاردا پاندەميانىڭ كاسىپورىندار قىزمەتىنە اسەرى تۋرالى ءبىر رەتتىك سۇراق ەنگىزىلدى. وسى ورايدا, پاندەميا سالدارىنان بارلىق سالالار, كوبىنەسە – قۇرىلىس, اۋىل شارۋاشىلىعى – ازداپ زارداپ شەكتى. ساۋالناماعا بارلىعى 2,6 مىڭنان استام ءوندىرۋشى جانە وڭدەۋ ونەركاسىبى, قۇرىلىس, ساۋدا, اۋىل شارۋاشىلىعى, كولىك جانە قويمالاۋ كاسىپورىندارى قاتىستى», دەپ جازدى ساراپشى.
