كەزدەسۋ بارىسىندا تاۋەلسىزدىكتىڭ 30 جىلىندا جەتكەن جەتىستىكتەرى جانە جەرگىلىكتى وكىلدى ورگانداردىڭ وڭىرلەردىڭ دامۋىنداعى ءرولى ءسوز بولدى.
«پرەزيدەنتىمىزدىڭ ەلىمىزدى جاڭعىرتۋ باعدارى تاۋەلسىزدىگىمىزدى نىعايتۋعا جانە حالىقتىڭ الەۋمەتتىك جاعدايىن جاقسارتۋعا ارنالعان. سونىڭ اياسىندا جۇيەلى رەفورمالار ىسكە اسىرىلۋدا. مەملەكەت باسشىسىنىڭ بارلىق باعدارلامالارى مەن باستامالارىنىڭ وڭىرلەردە تابىستى ورىندالۋىندا ءماسليحاتتاردىڭ ءرولى ەرەكشە», دەدى ماۋلەن اشىمباەۆ.
سەنات سپيكەرى ەل پرەزيدەنتى بيىلعى جولداۋدا وڭىرلەردىڭ دامۋىنا قاتىستى بىرقاتار مىندەتتەردى بەلگىلەپ بەرگەنىن ايتىپ, ولارعا كەڭىنەن توقتالىپ ءوتتى. ونىڭ ىشىندە قالالار مەن اۋىلداردى ءجۇز پايىز تازا اۋىز سۋمەن قامتاماسىز ەتۋ, ەلىمىزدىڭ «ىشكى بايلانىسىن» ارتتىرۋ, وڭىرلەردەگى ەكولوگيالىق ماسەلەلەردى شەشۋ جانە تاعى باسقا باسىمدىقتار بار. سەنات توراعاسى بۇل مىندەتتەر جەرگىلىكتى اتقارۋشى ورگانداردىڭ جاۋاپكەرشىلىگىن ارتتىراتىنىن تىلگە تيەك ەتتى.
«بۇل رەتتە بولىنگەن قاراجاتتىڭ ءتيىمدى جۇمسالۋىن باقىلاۋ جانە مەملەكەت باسشىسىنىڭ باستاماسىمەن قولعا الىنعان جوبالاردىڭ ىسكە اسىرىلۋىنا مونيتورينگ جۇرگىزۋ ءماسليحاتتاردىڭ مىندەتى ەكەنى بەلگىلى», دەدى ماۋلەن اشىمباەۆ.
ءىس-شاراعا قاتىسۋشىلار مونوقالالاردىڭ دامۋىنا قاتىستى ماسەلەلەردى دە كەڭىنەن قوزعادى. ولار بۇل ماسەلە جەرگىلىكتى بيۋدجەت پەن ءوڭىردىڭ دامۋ جوسپارى بەكىتىلگەن كەزدە باستى نازاردا بولۋ كەرەكتىگىن ايتتى.
سونىمەن قاتار پرەزيدەنتىمىزدىڭ ەلىمىزدى جاڭعىرتۋ رەفورمالارىنىڭ باسىمدىقتارى دا اڭگىمەگە ارقاۋ بولدى. سونىڭ اياسىندا قاتىسۋشىلار جەرگىلىكتى وكىلدى جانە اتقارۋشى بيلىكتىڭ دەربەستىگىن ارتتىرۋ, وكىلەتتىكتەردى ورتالىقتان جەرگىلىكتى دەڭگەيگە بەرۋ جانە جەرگىلىكتى مەملەكەتتىك باسقارۋ مەن ءوزىن ءوزى باسقارۋدى نىعايتۋ ماسەلەلەرىنە ايرىقشى توقتالدى.
«بيىل ەلىمىزدە العاش رەت اۋىل اكىمدەرىنىڭ سايلاۋى ءوتتى. سونىڭ ناتيجەسىندە 800-دەن استام اۋىلدىڭ اكىمى سايلاندى. ناتيجەسىندە ولاردىڭ جارتىسى دەرلىگى جاڭاردى. اۋىل اكىمدەرىن سايلاۋ ينستيتۋتىن ەنگىزۋ ازاماتتاردى جەرگىلىكتى بيلىكتى قالىپتاستىرۋعا جۇمىلدىرۋدىڭ ماڭىزدى تەتىگى», دەدى ماۋلەن اشىمباەۆ.
سونداي-اق سەنات سپيكەرى پالاتا جۇمىسىنىڭ ەڭ باستى باسىمدىعى ەل پرەزيدەنتىنىڭ جاڭعىرۋ باعدارىن زاڭنامالىق تۇرعىدان قامتاماسىز ەتۋ ەكەنىن ايتتى.
سونىمەن بىرگە سەناتورلار اۋىل تۇرعىندارىنىڭ ءومىر ءسۇرۋ ساپاسىن جاقسارتۋعا دا باسا ءمان بەرىپ وتىر. ماۋلەن اشىمباەۆ وڭىرلەردىڭ دامۋى سەنات دەپۋتاتتارىنىڭ ۇنەمى باستى نازارىندا ەكەنىن اتاپ ءوتتى.
ء«وڭىر» دەپۋتاتتىق توبىنىڭ قۇرامى جاڭارىپ, جاڭا جۇمىس جوسپارى قابىلداندى. سوعان سايكەس توپ دەپۋتاتتارى وڭىرلەرگە بارىپ, وزدەرىڭىزبەن جانە تۇرعىندارمەن كەزدەسىپ, جەرگىلىكتى حالىقتى الاڭداتقان ماسەلەلەرگە باسىمدىق بەرەتىن بولادى. ناتيجەسىندە وڭىردەگى ماسەلەنى رەسپۋبليكالىق دەڭگەيدە شەشۋدىڭ جولدارىن ۇسىنادى. توپ جۇمىسىنداعى باسىمدىقتاردىڭ قاتارىندا اۋىلداردى اۋىز سۋمەن قامتاماسىز ەتۋ, ىشكى كوشى-قون جانە تاعى باسقا ماسەلەلەر بار. سونداي-اق بۇل باعىتتا سەنات جانىنداعى ماسليحاتتارمەن ءوزارا ءىس-قيمىل جونىندەگى كەڭەستىڭ دە ماڭىزى جوعارى. كەڭەس مۇشەلەرى مەن بارلىق دەڭگەيدەگى ءماسليحات دەپۋتاتتارى ءجيى كەزدەسىپ, زاڭ جوبالارىن بىرلەسىپ تالقىلاۋعا مۇمكىندىك مول», دەگەن ماۋلەن اشىمباەۆ ءماسليحات حاتشىلارىن اتالعان الاڭداردى وڭىرلەردەگى ماسەلەلەردى شەشۋدە, زاڭنامالىق جۇمىستا, مەملەكەت باسشىسىنىڭ ساياساتى مەن قابىلدانعان زاڭداردىڭ ماڭىزىن تۇسىندىرۋدە ءتيىمدى پايدالانۋعا جانە سەناتپەن بىرلەسىپ جۇمىس ىستەۋدە بەلسەندىلىك تانىتۋعا شاقىردى.
