«سارايشىقتا ساپار ورتالىعىنان باسقا التىن وردا تاريحىنا ارنالعان مۇراجاي سالۋ جوسپاردا بار. تاريحشىلار كونە قالادا كەرۋەن سارايدان بولەك قالقىما كوپىر بولعان دەپ جازادى. سونداي نىسانداردى ۇيىمداستىرىپ, سول ارقىلى كەلەتىن تۋريستەرگە تاريحپەن تانىساتىنداي جاعداي جاسايمىز. ءوزىمىزدىڭ شامالاۋىمىزشا, بۇل جوبا جىلىنا 700 مىڭعا دەيىن ادام قابىلداۋعا مۇمكىندىك بەرەدى.
بىرىنشىدەن, شەتەلدىك ەمەس, ءوزىمىزدىڭ وڭىرلەردەن كەلەتىن جاستاردى, مەكتەپ جاسىنداعى بالالاردى سول جەرگە اپارىپ, تاريحقا تانىستىرامىز», دەگەن اكىم قاسىم حاننىڭ ەسكەرتكىشىن سالۋ دا جوسپاردا بار ەكەنىن ايتتى.
«شەشىم قابىلدانسا, ورتالىق مەملەكەتتىك ورگاندارمەن, ۇكىمەتپەن بىرگە سول جۇمىستاردى جۇرگىزۋگە دايىنبىز. سونداي ۇسىنىس بەردىك. ءارى قاراي قولداۋ كۇتىپ وتىرمىز. ءسىز ايتىپ وتىرعان التىن وردانىڭ 750 جىلدىعىنا ارنالعان حالىقارالىق كونفەرەنتسيادا قاسىم حاننىڭ ەسكەرتكىشىن كوتەرۋ تۋرالى ۇسىنىس بولدى. ونى دا وتە دۇرىس كورىپ وتىرمىز. ەگەر سارايشىقتا مەموريالدىق كەشەن بولعاندا ول جەردە قاسىم حاننىڭ ەسكەرتكىشى تۇرسا, سارايشىق ءتۋريزمنىڭ ۇلكەن ءبىر ورتالىعىنا اينالار ەدى», دەدى ماحامبەت دوسمۇحامبەتوۆ.
