«وتكەن جىلدارى ءال-فارابي مەن اباي جىلى اتالىپ وتسە, بيىل جامبىل جىلى تويلانۋدا, كەلەسى جىلدى احمەت بايتۇرسىن ۇلىنا ارناۋ كوزدەلىپ وتىر. ياعني, ۇلى تۇلعالارىمىزدى ۇلىقتاۋ ءىسى جۇيەلى تۇردە ءجۇرىپ جاتىر», دەدى پرەزيدەنت اكىمشىلىگى باسشىسىنىڭ ءبىرىنشى ورىنباسارى.
ونىڭ اتاپ وتۋىنشە, بۇگىندە «كىتاپ – مۇنايدان دا قىمبات قازىنا». سوندىقتان كىتاپ وقيتىن ۇلتتى قالىپتاستىرۋ باعىتىندا وتاندىق شىعارمالاردى شىعارۋ كولەمىن ارتتىرۋ كوزدەلگەن.
ء«بىزدىڭ ماقسات – ازاتتىقتى ارداقتاپ, وتانىمىزدى ودان ءارى نىعايتىپ, كەلەر بۋىنعا تابىستاۋ. وسكەلەڭ ۇرپاق بويىنا ادامگەرشىلىك قاسيەتتەردى ءسىڭىرۋ. ساپالى ءبىلىم مەن سانالى تاربيە – ۇلتىمىزدىڭ ۇلى, ۇرپاعىمىزدىڭ ۇلاعاتتى بولۋىنىڭ كەپىلى. الەم جىلدام وزگەرىپ جاتقان ۋاقىتتا دامىعان مەملەكەتتەر كوشىنەن قالماۋدىڭ بىردەن ءبىر جولى – وسى. جامبىلدان جەتكەن ونەگەلى وسيەتتىڭ دە تابان تىرەر تۇعىرى, تامىر تارتار تەرەڭى – وسى اينىماس قۇندىلىقتاردا. سوندىقتان جامبىل مۇراسىن جاڭعىرتىپ, جان-جاقتى ناسيحاتتاۋ ءىسى كۇن تارتىبىنەن تۇسپەيدى», دەدى داۋرەن اباەۆ.
