وتىرىس بارىسىندا كسرو-نىڭ ەكس-پرەزيدەنتى, بەيبىتشىلىك سالاسىنداعى نوبەل سىيلىعىنىڭ لاۋرەاتى ميحايل گورباچەۆتىڭ ۇندەۋى وقىلدى.
«ەڭ الدىمەن, قازاقستاننىڭ تۇڭعىش پرەزيدەنتى نۇرسۇلتان نازارباەۆتىڭ يادرولىق قارۋسىز الەم جانە جاھاندىق قاۋىپسىزدىك ءۇشىن كوشباسشىلاردىڭ جاھاندىق اليانسىن قۇرۋ باستاماسىن اتاپ وتكىم كەلەدى. ونىڭ قاتىسۋشىلارى سان الۋان ايماقتان بولعانى ماڭىزدى. بۇعان قوسا, ولار ساياساتتاعى ءار ءتۇرلى ۇرپاق وكىلدەرى. ولارعا قولداۋ ءبىلدىرىپ, ساتتىلىك تىلەيمىن», دەلىنگەن ۇندەۋدە.
ميحايل گورباچيوۆ قاۋىپسىزدىك تۇجىرىمداماسىن قايتا قاراۋعا قاتىستى ءوز ويىن جەتكىزدى. ايتۋىنشا, قازىرگى ۋاقىتتا ادام قاۋىپسىزدىگى ءبىرىنشى ورىندا بولۋعا ءتيىس.
ء«بىزدىڭ قاۋىپسىزدىك جايلى تۇسىنىگىمىزدى تۇبەگەيلى وزگەرتۋ قاجەت. ول ءالى كۇنگە دەيىن اسكەري اسپەكتىگە نەگىزدەلىپ وتىر. قىرعي-قاباق سوعىس اياقتالسا دا, وكىنىشكە قاراي, بۇل باعىتتا ەشقانداي وزگەرىس بولمادى. قاۋىپسىزدىك دەگەنىمىز – حالىقتى ازىق-ت ۇلىك, سۋمەن قامتاماسىز ەتىپ, قورشاعان ورتا مەن ادام دەنساۋلىعىن قورعاۋ. ءبىز وسىعان كۇش سالۋىمىز كەرەك. مەملەكەت كوشباسشىلارى, بارلىق دەڭگەيدەگى جەتەكشىلەر وسى ءۇشىن جاۋاپكەرشىلىك الۋعا ءتيىس», دەپ جازىلعان ميحايل گورباچيوۆتىڭ مالىمدەمەسىندە.
ول يادرولىق قارۋدىڭ قاۋپىنە ەرەكشە توقتالدى.
«يادرولىق قارۋ ادامزاتقا قاۋىپ توندىرەدى. ول قابىرعادا ءىلىنىپ تۇرعان قارۋ سياقتى, كۇندەردىڭ ءبىر كۇنىندە تەحنيكالىق اقاۋ نەمەسە ادام مەن كومپيۋتەر قاتەلىگى سالدارىنان كەزدەيسوق وق اتىلۋى مۇمكىن. اۆياتسيا, ونەركاسىپ, ءتۇرلى باسقارۋ جۇيەلەرىندە ەلەكترونيكا مەن كومپيۋتەر اقاۋىنا بايلانىستى اپات بولاتىنىن بىلەمىز. يادرولىق قارۋ جالعان دابىلعا جاۋاپ رەتىندە دە قولدانىلۋى مۇمكىن. ول تەرروريستەردىڭ قولىنا تۇسسە نە بولادى», دەگەن الاڭداۋشىلىق ءبىلدىردى گورباچەۆ.
سونداي-اق كسرو-نىڭ ەكس-پرەزيدەنتى يادرولىق قارۋ بەيبىتشىلىك پەن قاۋىپسىزدىك كەپىلى دەيتىندەرگە جاۋاپ بەردى.
«وسىعان سەنەتىندەرگە قىرعي-قاباق سوعىس كەزىندە وسى قارۋ كەم دەگەن ءبىر رەت داعدارىسقا سەبەپ بولعانىن ايتقىم كەلەدى. ونىڭ سالدارىنان يادرولىق دەرجاۆالار سوعىستىڭ از-اق الدىندا قالدى. مەن 1962 جىلدىڭ قازان ايىندا بولعان كاريب داعدارىسىن ايتىپ وتىرمىن. سوڭعى ۋاقىتتا جاريالانعان قۇجاتتار الەم سول كەزدە قاۋىپتى شەككە تاياپ قالعانىن كورسەتەدى».
ميحايل گورباچيوۆ ءوز ءسوزىن بىلاي دەپ تۇيىندەدى:
«الەمدىك ساياسات, حالىقارالىق قاتىناستار, ساياسي كوزقاراستاردىڭ دەميليتاريزاتسياسى ماڭىزدى. الەم يادرولىق قارۋدان قۇتىلۋى كەرەك. بۇل ماقساتقا قول جەتكىزۋگە قاراپايىم حالىق, عالىمدار, مادەنيەت قايراتكەرلەرى, ساياساتكەرلەر مەن كوشباسشىلار ۇلەس قوسا الادى».
استانا كلۋب وفلاين جانە ونلاين ءوتتى. كەيبىر وتىرىستار «Chatham house» ەرەجەسىنە ساي, ياعني جابىق فورماتتا بولدى.
