بقو تج دەپارتامەنتىنىڭ ءباسپاسوز قىزمەتى ءمالىم ەتكەنىندەي, وقيعا 19 قاراشا كۇنى ساعات 05.58-دە «جاڭا وردا» شاعىناۋدانىنداعى 5 قاباتتى ۇيدە بولدى. ءتورتىنشى قاباتتاعى پاتەردە گاز اۋا قوسپاسى جارىلىپ, 1994 جىلعى ەر ادام كۇيىك جاراقاتىن العان. ول قالالىق كوپبەيىندى اۋرۋحاناعا جەتكىزىلدى.
«اتالعان تۇرعىن موينىنان, قولىنان, كەۋدەسىنەن 30-31 پايىز كولەمدە ءۇشىنشى دارەجەلى كۇيىك جاراقاتىن العان. ول اناسىمەن بىرگە پاتەر جالداپ تۇرعان. وقيعا بولعان كەزدە اناسى ۇيدە بولماعان. قازىرگى كەزدە وقيعانىڭ ءمان-جايى انىقتالىپ جاتىر», دەدى دەپارتامەنت باستىعى ەرنۇر وتەگەنوۆ وڭىرلىك كوممۋنيكاتسيالار قىزمەتى الاڭىندا وتكەن بريفينگىدە.
