الەم • 19 قاراشا، 2021

فيليپپين بيلىگى تۋريستەردىڭ كەلۋىنە رۇقسات بەردى

81 رەت كورسەتىلدى

فيليپپين ەلىنىڭ بيلىگى COVID-19 ىندەتىنە قارسى ۆاكتسيناتسيالانعان تۋريستەردىڭ ەلگە كىرۋىنە رۇقسات بەردى، دەپ حابارلايدى Egemen.kz.

بۇل تۋرالى اتالمىش ەلدىڭ تۋريزم مينيسترلىگى مالىمدەدى.

«فيليپپين بيلىگى COVID-19 ۆاكتسيناتسياسىنان وتكەن تۋريستەر ءۇشىن ەلگە كىرۋگە رۇقساتتى ماقۇلدادى»، دەلىنگەن ەلدىڭ تۋريزم مينيسترلىگى تاراتقان ءباسپاسوز حابارلاماسىندا.

«تۋريزم مينيسترلىگىنىڭ سۇراۋى بويىنشا جۇقپالى اۋرۋلاردىڭ ءورشۋى جونىندەگى مەكەمەارالىق ماقساتتى توپ جاسىل تىزىمدەگى ەلدەردەن تولىعىمەن ۆاكتسيناتسيالانعان تۋريستەردىڭ ەلگە كىرۋىن ماقۇلدادى»، دەلىنگەن ۆەدومستۆو جازباسىندا.

جاسىل تىزىمدەگى ەلدەردىڭ ازاماتتارىنا ەلگە كىرۋگە رۇقسات قاتاڭ شارتتارعا نەگىزدەلەتىنى كورسەتىلگەن. بۇل ەلدەردەن كەلگەن تۋريستەر فيليپپين رەتتەۋشىسى نەمەسە دۇنيەجۇزىلىك دەنساۋلىق ساقتاۋ ۇيىمى ماقۇلداعان پرەپاراتتارمەن تولىق ۆاكتسيناتسيادان ءوتۋى كەرەك.

سوڭعى جاڭالىقتار

ۇقساس جاڭالىقتار