تاۋلىقتار قاتىناس نىعايا تۇسكەنىن قالايدى

كەشە ەقىۇ-نىڭ ءىس باسىن­داعى توراعاسى, قازاقستان رەسپۋب­لي­كاسىنىڭ مەملەكەتتىك حاتشىسى – سىرتقى ىستەر ءمينيسترى قانات ساۋداباەۆ گرۋزيا سىرتقى ىستەر ءمينيسترى گريگول ۆاشادزەمەن كەزدەستى. كەزدەسۋدەن سوڭ جۋرناليستەرگە ارناپ بەرىلگەن بريفينگتە تاراپتار ەكى ەلدىڭ سىرتقى ساياسات ۆەدوم­ستۆو­لارى اراسىندا ارىپتەستىككە قول قوي­ىلعانىن, قازاقستان مەن گرۋ­زيا­نىڭ قارىم-قاتىناستارىنىڭ قار­قىندى دامۋ ۇستىندە ەكەنىن ايتتى. قانات ساۋداباەۆ گرۋزيانىڭ ەلى­مىزدىڭ ەقىۇ-عا توراعالىعىنا ناقتى قولداۋ جاساپ, بۇگىنگى تاڭدا الماتىدا وتەتىن سىرتقى ىستەر مي­نيسترلەرىنىڭ بەيرەسمي كەڭەسى مەن جىل اياعىندا بولاتىن ەقىۇ-عا مۇشە مەملەكەتتەر باسشىلارىنىڭ سام­ميتىنە دايىندىق جۇمىستارىنا بەلسەندى تۇردە قاتىسۋىنا ريزا­شى­لىعىن جەتكىزدى. “بۇل ءوز كەزەگىندە ۇيىمنىڭ دامۋىنا عانا ەمەس, وسى ۇيىمعا مۇشە ەلدەردىڭ اۋماعىندا قاۋىپسىزدىك پەن ءوزارا ىنتى­ماق­تاس­تىقتىڭ نىعايۋىنا ءوز سەپتىگىن تي­گى­زەدى”, – دەپ اتاپ ءوتتى ق.ساۋداباەۆ. ال گريگول ۆاشادزە قازاق­ستان­نىڭ ەقىۇ-داعى بيىلعى ءتور­اعا­لىعى اياسىندا عانا رەسەي مەن گرۋ­زيا بەتپە-بەت بىرقاتار ماسەلەلەردى تالقىلاۋعا كىرىسكەنىنە توقتالا كەلىپ: “بۇگىن ءبىز مادەني, ساياسي-ەكو­نوميكالىق بايلانىستاردى دا­مىتۋ مەن حالىقارالىق ۇيىمدار ايا­سىنداعى قارىم-قاتىناستارى­مىز­دى نىعايتۋ ماسەلەسىن تالقى­لادىق. سونداي-اق ەكى ەلدىڭ بيلىك پارتيالارى اراسىندا دا وسىنداي بايلانىستار ورناسا بولار ەدى”, – دەدى. مۇنان سوڭ گرۋزيا سىرتقى ءىس­تەر ءمينيسترى قازاقستاننىڭ استانا قالاسىندا ەقىۇ ءسامميتىن وتكىزۋگە بايلانىستى باستاماسىن تولىعىمەن قولدايتىندىعىن جەتكىزدى. – بۇل – مەنىڭ استاناعا العاشقى ساپارىم, ماعان استانا كەلبەتى ەرەكشە اسەر بەردى, جالپى, گرۋزيانىڭ قازاقستاننان ۇيرەنەرى مول, ءبىز قارىم-قاتىناستاردىڭ نىعايا تۇسۋىنە مۇددەلىمىز, – دەدى ءسوزىنىڭ سوڭىندا گريگول ۆاشادزە. انار تولەۋحانقىزى.