«اۋىل شارۋاشىلىعى مينيسترلىگىنىڭ الدىنا قويىلعان مىندەتتەردىڭ ءبىرى – حالىقتى قازاقستاندا وندىرىلگەن ازىق-ت ۇلىك تاۋارلارىمەن, ەڭ الدىمەن قۇس ەتى, بالىق, شۇجىق, سۇزبە مەن ىرىمشىك, الما جانە قانتپەن قامتۋ. ول ءۇشىن تاياۋدا قابىلدانعان ۇلتتىق جوبالار اياسىندا 930-دان استام ينۆەستيتسيالىق جوبانى 2025 جىلدىڭ سوڭىنا دەيىن جۇزەگە اسىرۋ كوزدەلگەن. وندا 150-دەن استام تاۋارلىق ءسۇت فەرماسىن پايدالانۋعا بەرۋ قاراستىرىلعان. وعان قوسا, 19 ۇلكەن قۇس فابريكاسى سالىنادى. ونىڭ ىشىندە 9 ەت وڭدەيتىن زاۋىت بولادى. 6,6 مىڭ گەكتار قارقىندى باقتى پايدالانۋعا بەرۋ دە جوسپارلانعان», دەدى مينيستر سەنات وتىرىسى بارىسىندا.
ونىڭ ايتۋىنشا, اتالعان جوبالاردى جۇزەگە اسىرۋعا 4,5 ترلن تەڭگە قاراجات تارتىلادى.
«ال قاراستىرىلىپ وتىرعان 2022-2024 جىلدارعا ارنالعان 3 جىلدىق بيۋدجەتتە 235 ملرد تەڭگە كوزدەلگەن. بۇل قاراجات ينۆەستيتسيالىق سۋبسيديا مەن نەسيە جانە ليزينگ تولەماقىسىن تومەندەتەتىن سۋبسيديا ءۇشىن قاراستىرىلىپ وتىر. جالپى قازاقستاندا وندىرىلەتىن ازىق-ت ۇلىك تاۋارلارىن حالققا قولجەتىمدى قىلۋعا بارلىق مۇمكىندىك بار دەپ سانايمىز», دەدى ەربول قاراشوكەەۆ.
