«بۇگىندە بىزدە 2013 جىلى ەنگىزىلگەن تاريفتەر قولدانىلادى. ولار وسكەن جوق جانە الداعى ۋاقىتتا كوتەرىلمەيدى. مۇنداي ماسەلە قاراستىرىلمايدى. تاريفتەردىڭ كوتەرىلەتىنى تۋرالى اقپارات شىندىققا جاناسپايدى», دەپ اتاپ ءوتتى بەرىك كاماليەۆ «قازاۆتوجول-Kaztraffic-2021» حالىقارالىق كورمەسىنىڭ اشىلۋىندا.
ايتا كەتسەك, ەلوردادا «قازاۆتوجول-Kaztraffic-2021» حالىقارالىق كورمەسى باستالدى. كورمەنىڭ ەكسپوزيتسياسى جول جانە اەرودروم جابىندارىن سالۋ, جوندەۋ, كۇتىپ ۇستاۋ بويىنشا زاماناۋي تەحنولوگيالاردى ءوندىرۋ مەن ەنگىزۋدى جۇزەگە اسىراتىن كومپانيالارمەن ۇسىنىلعان.
ءىس-شاراعا قازاقستان رەسپۋبليكاسى, رەسەي فەدەراتسياسى, بەلارۋس, ۋكراينا, گەرمانيا, فرانتسيا, اقش كاسىپورىندارى قاتىسادى. تۇركيا ەكسپوزيتسياسى بولەك ۇسىنىلادى.
