ەكونوميكا • 18 قاراشا، 2021

«Qaz Carbon» ونىمىنە الەم ەلدەرىنىڭ قىزىعۋشىلىعى ارتقان

94 رەت كورسەتىلدى

قاراعاندى قالاسىنداعى كومىر بايىتۋ فابريكاسىنىڭ قۇرىلىسى بىلتىر قىركۇيەك ايىندا باستالعانىمەن، كاسىپورىن جۇمىسى بۇگىندە قارقىندى جۇرگىزىلىپ جاتىر.

مۇنداعى «سارىارقا» فەرروقورىتپا زاۋىتىندا دا اۋقىمدى جۇمىستار اتقارىلۋدا. زاۋىتتا بۇگىنگى تاڭدا 4 پەش تولىققاندى جۇمىس ىستەپ تۇرسا، كەلەسى جىلدىڭ العاشقى توقسانىندا تولىق قۋاتىندا جۇمىس ىستەيتىن پەشتەردىڭ سانىن 8-گە جەتكىزۋ كوزدەلگەن.

زاۋىت ونىمدەرىندەگى قازاقستاندىق قامتۋ ۇلەسى ءجۇز پايىزعا جۋىق شامانى قۇرايتىنى كوڭىلگە مەدەۋ. ودان بولەك فەرروقورىتپا زاۋىتىنىڭ ءونىمى نەگىزىنەن ەكسپورتقا باعدارلانعان. تۇتىنۋشىلاردىڭ قاتارىندا جاپونيا، كورەيا سەكىلدى دامىعان مەملەكەتتەردىڭ بار ەكەنىن ايتا كەتكەن ءلازىم.

15065

«قازىرگى كەزدە تولىق قۋاتىندا جۇمىس ىستەپ تۇرعان ءتورت پەشتىڭ ءوزى ەكسپورتقا قوماقتى ءونىم جىبەرۋىمىزگە مۇمكىندىك بەرىپ وتىر. جىل سوڭىنا قاراي قالعان ءتورت پەش قوسىلماق. ول كەزدە ەكسپورتتالاتىن تاۋار كولەمى ايتارلىقتاي ۇلعايادى. بۇگىندە مۇندا جۇمىس ىستەپ جاتقان ازاماتتاردىڭ ورتاشا جالاقىسى شامامەن 200-220 مىڭ تەڭگە ارالىعىندا. ءبىزدىڭ وندىرگەن ونىمدەر تمد مەملەكەتتەرىنە، ىشكى نارىققا، ودان بولەك جاپونيا سەكىلدى دامىعان مەملەكەتتەرگە جونەلتىلەدى. جاپونياعا تاۋار ءوتتى دەگەن ءسوز – ساپانىڭ مىقتىلىعىن كورسەتەدى. بۇگىندە ءار پەشتەن تاۋلىگىنە 25 توننا ءونىم الىنادى. جالپى جىلىنا 57 مىڭ توننا ءونىم الىپ، ونى ەكسپورتتاۋ جوسپارلانعان. مۇنداعى ءار پەشتىڭ قۋاتتىلىعى – 8 مۆت. شيكىزات رەتىندە نەگىزىنەن مارگانەتس كەنى، سونداي-اق از كولەمدە افريكالىق كەن دە پايدالانىلادى. قالعانى كومىر بايىتۋ فابريكاسىنىڭ كومىرى. ونى ءبىز قالپىنا كەلتىرۋ ماقساتىندا قولدانامىز.

افريكالىق كەندى پايدالانۋىمىزدىڭ سەبەبى، قازاقستاندىق كەننىڭ قۇرامىندا مارگانەتس 18-20 پايىزدان اسپايدى. سول سەبەپتى ازىرگە قۇرامىنداعى مارگانەتس 42 پايىزعا دەيىن جەتەتىن شەتەلدىك كەندى دە قولدانامىز. بۇل ماسەلە الداعى ۋاقىتتا شەشىمىن تابادى. مۇنداعى پەشتەر اۆتوماتتاندىرىلعان جۇيەمەن باسقارىلادى. ادامداردىڭ قاۋىپسىزدىگى باستى نازارىمىزدا»، دەيدى جاڭا «سارىارقا» فەرروقورىتپا زاۋىتىنىڭ باس ديرەكتورى ەۆگەني شتەەر ءوز ويىمەن ءبولىسىپ.

1565

«فەرروقورىتپا ونىمدەرىنە دەگەن سۇرانىس مول. جاپونيا، كورەيا ەلدەرىنە ەكسپورتتالىپ جاتىر. جالپى «Qaz Qarbon» جشس ونىمدەرىنە الەمنىڭ كوپتەگەن ەلدەرى قىزىعىپ وتىر. فەرروقورىتپا زاۋىتىمەن قاتار اگلومەراتسيا تسەحىنىڭ جۇمىس قارقىنى كوڭىل قۋانتادى. جالپى مۇندا 1600 ادام جۇمىس ىستەيدى. جاڭادان 190 جۇمىس ورنى اشىلدى. بۇگىندە قۋاتتىلىعى 8 مۆت-تىق 4 پەش ىستەپ تۇرعانىن بىلەسىزدەر. الداعى ۋاقىتتا 8 پەش تۇگەلىمەن جۇمىس ىستەيتىن بولادى. زاۋىتقا جاپونيالىق ماماندار كەلىپ، ساپاسىمەن تانىسىپ، كەلىسىم جاساسقانى كوپ نارسەدەن حابار بەرسە كەرەك. الداعى ۋاقىتتا اقش وكىلدەرى دە كەلىسىمگە كەلۋى مۇمكىن. جوبانىڭ نەگىزگى بولىگىن قازاقستاننىڭ دامۋ بانكى نەسيە ارقىلى قارجىلاندىرىپ وتىر. ناقتىراق ايتساق 38 ميلليارد تەڭگە نەسيە رەتىندە بەرىلگەن. ول سوما ون جىلدا تولىق وتەلىپ، كەيىن زاۋىت قوماقتى تابىسقا كەنەلە باستايدى»، دەيدى «قازاقستاننىڭ دامۋ بانكى» اق توراعاسى اباي سارقۇلوۆ.

12385

49868

«قازاقستاننىڭ دامۋ بانكى» اق ۇيىمداستىرعان ءباسپاسوز تۋرىندا جۋرناليستەر بايىتۋ فابريكاسىنىڭ جۇمىسىن كورىپ، «سارىارقا» فەرروقورىتپا زاۋىتىنان بولەك، «YDD CORPORATION» فەرروقورىتپا زاۋىتىنىڭ جۇمىسىمەن تانىستى. مۇندا فەرروسيليتسيدىڭ بىرنەشە ءتۇرى وندىرىلەدى. زاۋىتتىڭ ونىمدەرى قازىرگى كەزدە الەمنىڭ 47 مەملەكەتىنە ەكسپورتتالىپ جاتىر. بۇگىندە جاھان بويىنشا ءونىم كولەمى جاعىنان ۇزدىك بەستىككە كىرگەن زاۋىت باسشىلىعى الداعى ۋاقىتتا ۇزدىك ۇشتىكتەن كورىنۋدى جوسپارلاپ وتىر. ەكولوگيالىق تازالىقتى 99،8 پايىزعا دەيىن ساقتاپ، قالدىق ءتۇتىننىڭ وزىنەن ميكروكەمنەزەم ءوندىرىپ، سول ارقىلى قىزمەتكەرلەرىنىڭ جالاقىسىن وتەپ جۇرگەن زاۋىت باسشىلىعى مۇندا جۇمىس ىستەيتىن 659 ازاماتتىڭ الەۋمەتتىك جاعدايىن جاقسارتۋعا قولدان كەلگەننىڭ ءبارىن جاساۋدا. قىزمەتكەرلەردىڭ ورتاشا جالاقىسى بۇگىندە 313 مىڭ تەڭگەنى قۇرايدى ەكەن. ءونىمدى وندىرۋدە 94 پايىز قازاقستاندىق شيكىزاتتى پايدالاناتىنان دا ماقتانىشپەن ايتا كەتكەن ءلازىم. زاۋىت جىلىنا 180 مىڭ توننا فەرروسيليتسي ەكسپورتتايدى. سونداي-اق قىزمەتكەرلەرگە جالاقىدان بولەك 25 پايىز سىياقى تۇراقتى بەرىلەدى.

9846

ءتۇيىپ ايتساق، ءبىز ات باسىن بۇرعان زاۋىتتار جاھاندىق نارىقتا قازاقستاندىق جوعارى ساپالى ونىمدەرمەن تانىلىپ ءجۇر. العا قويعان جوسپارلارى دا زور. ماسەلەن، «Qaz Qarbon» زاۋىتىنا قاراستى كومىر بايىتۋ فابريكاسى مەن فەرروقورىتپا زاۋىتىنىڭ سەگىز پەشى تولىق جۇمىس ىستەگەن كەزدە جۇمىسشى كۇشى دە، تابىس كوزى دە ارتا تۇسەتىن بولادى. ال YDD Corporation فەرروقورىتپا زاۋىتىنداعى اۆتوماتتاندىرىلعان جۇمىس جۇيەسى ەلىمىزدىڭ كوپ زاۋىتىندا كەزدەسپەيدى.

سوڭعى جاڭالىقتار

ەرلىككە تولى ەڭبەك

قازاقستان • كەشە

شيراز بۇلب ۇلى

ادەبيەت • كەشە

اتا جۇرتتا

ادەبيەت • كەشە

اباي وبلىسىنىڭ اتى وزدى

ايماقتار • كەشە

ۇقساس جاڭالىقتار