«ەرلى-زايىپتىلار جۇمىس ورنىندا بولعان كەزدە ولارعا وتباسىلىق دوسى كەلگەنى بەلگىلى بولدى. بارلىعى بىرگە گاراجدا ىشىمدىك ىشكەن, سۋىتا باستاعان سوڭ Mercedes Benz ماركالى اۆتوكولىكتى ىسكە قوسىپ, ۇيىقتاپ قالعان. مايىتتەردى كورشى گاراجدىڭ جالعا الۋشىسى تاپتى, ول بۇل تۋرالى پوليتسياعا حابارلادى. گاراجدىڭ ءىشى اۆتوكولىكتىڭ گاز قۇبىرىنان شىققان تۇنشىقتىرعىش گازعا تولى بولعان. جۇرگىزىلگەن سوت-مەديتسينالىق ساراپتامالارعا سايكەس, ءۇش ادامنىڭ ءولىمى ۋلى گازبەن ۋلانۋ سالدارىنان بولعان», دەدى پاۆلودار وبلىسى پوليتسيا دەپارتامەنتى باستىعىنىڭ ورىنباسارى راشاد وتەۋوۆ.
ءتارتىپ ساقشىسى گاگارين كوشەسىندە ورنالاسقان گاراج كووپەراتيۆىنىڭ بوكسىنداعى ەر ادام دا وسىنداي قايعىلى ولىممەن كوز جۇمعانىن جەتكىزدى.
14 قاراشادا ءبىر ەر ادام پوليتسياعا قوڭىراۋ شالدى. انىقتالعانداي, ول گاراج بويىنشا كورشىسى بولىپ شىقتى. ەر ادام ءوز كولىگىن گاراجعا كىرگىزگەن كەزدە كورشى گاراجدان كولىك قوزعالتقىشىنىڭ ىسكە قوسىلعان دىبىسىن ەستىگەنىن جانە شامنىڭ جانىپ تۇرعانىن ءتۇسىندىردى. گاراجدىڭ ەسىگىن قاقتى, بىراق ەشكىم اشپادى. ەر ادام ۋايىمداي باستادى, پوليتسيا شاقىردى. وقيعا ورنىنا كەلگەن پوليتسەيلەر وبلىس ورتالىعىنىڭ 44 جاستاعى تۇرعىنىن ۆاز-21150 ماركالى اۆتوكولىگىنەن تاپتى. قازىرگى ۋاقىتتا سوت-مەديتسينالىق ساراپتاما تاعايىندالدى. ايتا كەتەيىك, مايىتتەر تابىلعان كەزدە گاراجداعى كولىكتەر جۇمىس ىستەپ تۇرعان.
«كەز كەلگەن كولىك جۇرگىزۋشىسى قاۋىپسىزدىك شارالارىن بايىپپەن قابىلداۋعا مىندەتتى. گازبەن ۋلانۋدىڭ الدىن الۋ ءۇشىن جۇرگىزۋشىلەر كولىكتىڭ گاز شىعارۋ جۇيەلەرىنىڭ جۇمىسقا جارامدىلىعىن, ولاردىڭ گەرمەتيكالىعىن ۇدايى تەكسەرىپ وتىرۋى ءتيىس», دەدى راشاد وتەۋوۆ.
