بۇعان دەيىن شارشى الاڭدا 24 راۋند وتكىزگەن ەكى مىقتىنىڭ اراسىنداعى شايقاس مەكسيكالىقتىڭ باپكەرى ەددي رەينوسونى دا قىزىقتىرىپ وتىر.
«البەتتە, ءبىز گەننادي گولوۆكين مەن ساۋل الۆارەستىڭ رينگتە ءۇشىنشى مارتە كەزدەسىپ, بۇعان دەيىن بولعان بارلىق اڭگىمەلەرگە نۇكتە قويعانىن قالايمىز. ءبىز بۇل كەزدەسۋدى وتكىزۋگە نيەتتىمىز. مەن ەكى مىقتى اراسىنداعى شايقاس مەكسيكانىڭ مەحيكو نەمەسە گۆادالاحارا قالالارىنىڭ بىرىندە ۇيىمداستىرىلعانىن قۇپ كورەمىن. گەننادي گولوۆكين جەلتوقساندا ريوتا مۋراتامەن كەزدەسەدى. الدىمەن سول جەكپە-جەك قالاي اياقتالاتىنىن باقىلاپ كورەيىك. مۇمكىن سودان سوڭ تريلوگياعا شىنداپ كىرىسەرمىز», دەدى رەينوسو ءوز ويىن تۇيىندەپ.
