ءىس-شاراعا اقپارات جانە قوعامدىق دامۋ مينيسترلىگىنىڭ ەتنوسارالىق قاتىناستاردى دامىتۋ كوميتەتىنىڭ توراعاسى ع.شويكين, پارلامەنت ءماجىلىسىنىڭ دەپۋتاتتارى, قحا مۇشەلەرى, شىعارماشىل جانە زيالى قاۋىم وكىلدەرى, جوبا جەڭىمپازدارى, مەملەكەتتىك ءتىلدى وقىتۋ ادىسكەرلەرى, جاستار ۇيىمدارىنىڭ بەلسەندىلەرى مەن مۇشەلەرى, بلوگەرلەر جانە باق وكىلدەرى قاتىستى. «مىڭ بالا» جوباسىنىڭ ماقساتى – ءتۇرلى ەتنوستىق توپتاردىڭ مەكتەپ جاسىنا دەيىنگى بالالارى مەن مەكتەپ وقۋشىلارىن, جاستارىن مەملەكەتتىك ءتىلدى وقىتۋ پروتسەسىندە قازاق حالقىنىڭ ۇلتتىق رۋحاني قۇندىلىقتارىنا, مادەنيەتىنە, سالت-داستۇرلەرىنە, ادەت-عۇرىپتارىنا باۋلۋ ارقىلى قازاقستاندىق بىرەگەيلىك پەن بىرلىكتى دامىتۋعا ۇلەس قوسۋ.
ەتنوسارالىق قاتىناستاردى دامىتۋ كوميتەتىنىڭ توراعاسى ع.شويكين كىرىسپە سوزىندە ەلدەگى تاتۋلىق پەن بىرلىكتى نىعايتۋ سياقتى اسقارالى مىندەت جۇكتەلگەن قازاقستان حالقى اسسامبلەياسى دا ءوز قىزمەتىنىڭ باسىمدىقتارىنىڭ ءبىرى رەتىندە مەملەكەتتىك ءتىلدى دامىتۋ باعىتىندا اۋقىمدى جۇمىس جۇرگىزىپ جاتقانىن اتاپ ءوتتى. جيىن بارىسىندا «مىڭ بالا» رەسپۋبليكالىق مادەني-اعارتۋشىلىق جوباسىنىڭ ەكى نوميناتسياسى بويىنشا وڭىرلەردە ۇيىمداستىرىلعان «ونەر الدى – قىزىل ءتىل» جانە «ونەرلى ورگە جۇزەر» بايقاۋلارىنىڭ جەڭىمپازدارى ماراپاتتالدى.
بۇگىنگى تاڭدا ەلىمىزدە 5 644 ۇيىم بالالاردى قازاق تىلىندە وقىتىپ جۇرسە, 3 798 قازاق مەكتەبى جۇمىس ىستەيدى. دوستىق ۇيلەرىندە, رەسپۋبليكانىڭ ەتنومادەني بىرلەستىكتەرىندە 174 جەكسەنبىلىك مەكتەپ جۇمىس ىستەيدى, ولاردا مەملەكەتتىك تىلدە وقىتاتىن 124 توپ بار. قازاقستاننىڭ بارلىق ەتنوسى مەملەكەتتىك ءتىلدىڭ وسى جاڭا الەۋمەتتىك ءرولىن قولدايدى, ونىڭ ومىرشەڭدىگىنە جانە بىرىكتىرۋشى الەۋەتىنە سەنەدى.
بيىلعى «مىڭ بالا» جوباسى اياسىندا ء«تىل مەكتەبى» اۆتورلىق كۋرسى جوعارى دەڭگەيدە ۇيىمداستىرىلدى. ءتىل ۇيرەتۋدىڭ يننوۆاتسيالىق بىرەگەي ادىستەمەلەرىمەن وڭىرلەردەن كەلگەن 15 ادىسكەر تانىستىرىلىپ, ماڭىزدى ءىس-شاراعا ءتۇرلى ەتنوستاردىڭ جاستارى – 37 ءتىل ۇيرەنۋشى قاتىستى.
جاس جەڭىمپازداردى جانە ۇزدىك ادىسكەرلەردى ىنتالاندىرۋ ماقساتىندا ولارعا قازاقستان حالقى اسسامبلەياسىنىڭ العىس حاتتارى مەن ديپلومدارى جانە باعالى سىيلىقتار تاپسىرىلدى.
ەستەرىڭىزگە سالا كەتەيىك, 2015 جىلدان باستاپ جىل سايىن وتكىزىلەتىن «مىڭ بالا» جوباسى ءتۇرلى ەتنوستاردىڭ بالالارى مەن جاستارىنىڭ مەملەكەتتىك ءتىلدى ۇيرەنۋگە دەگەن قىزىعۋشىلىعىن ارتتىرىپ, مەملەكەتتىك ءتىلدىڭ قولدانىلۋ اياسىن كەڭەيتۋگە, بالالار مەن جاستار اراسىندا مەملەكەتتىك ءتىلدى ۇيرەنۋدى ناسيحاتتايتىن ۆولونتەرلەر سانىن ۇلعايتۋعا ىقپال ەتەدى.
