كورمەگە مۇمكىندىگى شەكتەۋلى بالالارعا كومەك كورسەتەتىن «ايالاعان الاقان» قوعامدىق قايىرىمدىلىق قورى ۇسىنعان بالالاردىڭ سۋرەتتەرى قويىلدى. ەل تاۋەلسىزدىگىنىڭ 30 جىلدىعىنا وراي ۇيىمداستىرىلعان كورمە بالالاردىڭ ارمانى مەن ومىرگە دەگەن قۇشتارلىعىن اشۋدى ماقسات ەتتى. كورمەگە قويىلعان تۋىندىلاردى يراندىق ونەر, ءبىلىم قايراتكەرلەرى, ىسكەر توپتار وكىلدەرى, قازاقستان ازاماتتارى مەن يرانداعى قازاق دياسپوراسىنىڭ وكىلدەرى تاماشالادى.
قازاقستاندىق بالالاردىڭ شىعارماشىلىعىمەن تانىسقان زاڭ عىلىمدارىنىڭ دوكتورى, پروفەسسور سايەد حاسان امين, ءمۇسىنشى فاتەمە اسادي جانە وزگە دە يراندىق قايراتكەرلەر جاس دارىنداردىڭ قىلقالامىنان ومىرگە دەگەن ىڭكار كوزقاراس بايقالادى دەپ باعا بەردى.
