ۆەدومستۆو مالىمەتىنشە, ماڭعىستاۋ وبلىسىندا قاراماعىنداعى قىزمەتكەرلەردىڭ سىبايلاس جەمقورلىعى ءۇشىن بىرقاتار مەملەكەتتىك ورگان باسشىلارى تارتىپتىك جاۋاپكەرشىلىككە تارتىلعان.
قايتالاما قۇقىق بۇزۋشىلىقتاردى بولدىرماۋ ماقساتىندا قر قپك-ءنىڭ 200-بابىنىڭ نورمالارىن باسشىلىققا الا وتىرىپ, مەملەكەتتىك ورگاندار مەن ۇيىمدارعا 33 ۇسىنىس ەنگىزىلگەن. ناتيجەسىندە, سىبايلاس جەمقورلىققا قارسى قازىرگى ساياساتتىڭ نەگىزگى باعىتتارىن تۇسىندىرە وتىرىپ, قىلمىس جاسالعان ۇيىمداردا 24 لاۋازىمدى تۇلعا ءتۇرلى تارتىپتىك جاۋاپكەرشىلىككە تارتىلعان.
«قاراماعىنداعى قىزمەتكەرلەرى لاۋازىمدىق قىزمەت بابىن اسىرا پايدالانىپ پارا العانى ءۇشىن اقتاۋ قالالىق پوليتسيا باسقارماسى باسشىسىنىڭ ورىنباسارى سوگىس تۇرىندە, قورعانىس ىستەر جونىندەگى دەپارتامەنتتىڭ باستىعىنا قاتاڭ سوگىس, ورىنباسارىنا قىزمەتىنە تولىق سايكەس ەمەستىگى جونىندە ەسكەرتۋ, بەينەۋ اۋداندىق پوليتسيا ءبولىمى باستىعىنا قاتاڭ سوگىس جانە ونىڭ ورىنباسارىنا قىزمەتىنە تولىق سايكەس ەمەستىگى جونىندە ەسكەرتۋ تۇرىندە تارتىپتىك جاۋاپكەرشىلىككە تارتىلدى», دەدى سىبايلاس جەمقورلىققا قارسى قىزمەت دەپارتامەنتى باسشىسىنىڭ ءبىرىنشى ورىنباسارى قۋانىش مىرزاعالي.
