«كەلەسى ماسەلە مەملەكەت جاستارعا ءبىلىم بەرۋ ءۇشىن جوعارى وقۋ ورىندارىنا وتە كوپ گرانت بولەدى. بۇگىندە ءبىر ستۋدەنتتى وقىتۋ قۇنى شامامەن 4 ملن تەڭگە. گرانت سانى جىل سايىن ارتىپ كەلەدى. ەندى قارجىلاندىرۋ ءتاسىلىن وزگەرتكەن ءجون. قارجى تىكەلەي گرانت يەسىنە بەرىلۋگە ءتيىس. ياعني, ستۋدەنت وقۋ اقىسىن ءوزى تولەۋى كەرەك. بۇل قاراجات ستۋدەنتتىڭ ارناۋلى ەسەپشوتىنا تۇسەدى دەگەن ءسوز. ونى تەك وقۋ اقىسىن تولەۋگە جۇمساۋ كەرەك. بۇل ءتاسىل جوعارى جانە جوعارى وقۋىنان كەيىنگى ءبىلىم الۋ سالاسىندا باسەكەلەستىكتى ارتتىرادى. سونداي-اق مەملەكەتتىك تاپسىرىستىڭ اشىق بولۋىن قامتاماسىز ەتەدى. ءبىلىم ساپاسىن جاقسارتىپ, ستۋدەنتتەردىڭ جاۋاپكەرشىلىگىن دە ارتتىرا تۇسەدى», دەدى قاسىم-جومارت توقاەۆ.
قر پرەزيدەنتى ۇكىمەت بۇل شەشىمدى جۇزەگە اسىرۋ جولدارىن مۇقيات ويلاستىرۋى كەرەكتىگىن ايتتى.
