م. احمەتجانوۆ ءوز سوزىندە سىبايلاس جەمقورلىققا قارسى ساياساتتىڭ وزىندىك مودەلىن قالىپتاستىرۋعا مۇمكىندىك بەرگەن سىبايلاس جەمقورلىققا قارسى ءىس-قيمىل سالاسىندا ەلىمىزدە جۇرگىزىلىپ جاتقان رەفورمالار تۋرالى, سونداي-اق, سىبايلاس جەمقورلىقتى جويۋ ماسەلەلەرىندەگى جۇرتشىلىقتىڭ ءرولى تۋرالى ايتىپ بەردى.
اتاپ ايتقاندا, ول سىبايلاس جەمقورلىق فاكتىلەرى تۋرالى حابارلاعان ازاماتتاردى كوتەرمەلەۋ جۇيەسىن جەتىلدىرۋ تۋرالى, ساراپشىلار رەتىندە ازاماتتىق قوعام وكىلدەرى شىعاتىن سىبايلاس جەمقورلىققا قارسى ساراپتاما ينستيتۋتىنىڭ جۇمىسى تۋرالى, باعىنىستىلاردىڭ سىبايلاس جەمقورلىق ءۇشىن باسشىلاردىڭ دەربەس جاۋاپكەرشىلىگى ينستيتۋتىن ەنگىزۋ جانە كۆازيمەملەكەتتىك سەكتوردا كومپلاەنس-قىزمەتتەردى ەنگىزۋ تۋرالى اتاپ ءوتتى.
«اگەنتتىك سىبايلاس جەمقورلىقتى جەكە دارا جەڭە المايتىنىن ءتۇسىنۋ ماڭىزدى بولىپ تابىلادى. بارلىق ازاماتتىق قوعامدى بەلسەندى تارتۋ قاجەت. سوندىقتان قوعامدىق بەلسەندىلىك الداعى 5 جىلعا ارنالعان سىبايلاس جەمقورلىققا قارسى ساياسات تۇجىرىمداماسىنىڭ جوباسىن ازىرلەۋ كەزىندە ەرەكشە ماڭىزعا يە بولدى», دەدى م. احمەتجانوۆ.
تۇجىرىمدامانى ازىرلەۋگە بەي-جاي قارامايتىن ازاماتتار مەن ۇەۇ وكىلدەرىنىڭ بەلسەندى قاتىسۋىمەن دايىندالعانىن اتاپ وتكەن ءجون.
«قازىر تۇجىرىمداما پاراساتتى قوعامدى قالىپتاستىرۋعا, سىبايلاس جەمقورلىق مۇمكىندىكتەرىن بولدىرماۋعا, جاۋاپكەرشىلىكتىڭ بۇلتارتپاستىعىن, بيۋدجەتتىك پروتسەستەردىڭ ترانسپارەنتتىلىگىن قامتاماسىز ەتۋگە, سىبايلاس جەمقورلىققا قارسى ستاندارتتاردى ەنگىزۋگە باعىتتالعان 6 نەگىزگى بلوكتى كوزدەيدى», دەپ اتاپ ءوتتى اگەنتتىك توراعاسى.
سونىمەن قاتار م. احمەتجانوۆ جوبالىق باسقارۋدى ەنگىزۋدىڭ ماڭىزدىلىعى تۋرالى ايتىپ بەردى, بۇل لاۋازىمدى تۇلعالاردىڭ جاۋاپكەرشىلىگىن دەربەستەندىرۋگە جانە ناقتى جانە ولشەنەتىن كورسەتكىشتەردى بەلگىلەۋگە مۇمكىندىك بەرەدى. ياعني ناتيجەگە شوعىرلانۋ.
ءوز ءسوزىن قورىتىندىلاي كەلە, اگەنتتىك توراعاسى قازىرگى ۋاقىتتا سىبايلاس جەمقورلىققا قارسى قىزمەت قىلمىستىق سحەمالار مەن جاسىرىن ۇرلىقتاردى اشۋعا باسا نازار اۋدارعانىن, بۇل اۋىل شارۋاشىلىعىن سۋبسيديالاۋ سالاسىنداعى بۇزۋشىلىقتاردى انىقتاۋعا مۇمكىندىك بەرگەنىن اتاپ ءوتتى.
«بۇگىنگى تاڭدا سىبايلاس جەمقورلىققا قارسى قىزمەت 65 قىلمىستىق ءىستى تىركەدى. 18 ادام كۇدىكتى دەپ تانىلدى. ونىڭ 14-ءى قاماۋدا. قازىرگى ۋاقىتتا تەرگەۋ جالعاسۋدا», دەدى م.احمەتجانوۆ.
باياندامانىڭ تولىق ءماتىنىن تومەندەگى سىلتەمەدەن وقي الاسىزدا.
https://www.gov.kz/memleket/entities/anticorruption/documents/details/234328?lang=ru
