«ۇزدىك جوو-لار سىرتقى باقىلاۋدىڭ ءارتۇرلى تۇرلەرىنەن بوساتىلاتىن بولادى. ءبىلىم بەرۋ ساپاسىن ارتتىرۋ بويىنشا جۇيەلى جۇمىس جۇرگىزىلەتىن بولادى. ء«بىلىمدى ۇلت» ۇلتتىق جوباسىندا ءبىلىم بەرۋ جۇيەسىن ودان ءارى دامىتۋدىڭ نەگىزگى ۆەكتورلارى ايقىندالدى. ءبىز جۇمىستى جالعاستىراتىن بولامىز», دەپ سەندىردى قر بعم باسشىسى ۇكىمەت وتىرىسىندا.
ءمينيستردىڭ مالىمەتىنشە, ەلىمىزدە ءبىلىم بەرۋ جۇيەسىندە مەملەكەتتىك باقىلاۋ كۇشەيتىلدى.
«تەكسەرۋلەر جۇزەگە اسىرىلادى. ساپاسىز ءبىلىم بەرەتىن جوعارى وقۋ ورىندارىن جابۋ ءۇشىن 500-گە جۋىق سوت پروتسەسىنە قاتىسىپ, 300 اكىمشىلىك ءىس جۇرگىزدى. ليتسەنزيالار دا قايتارىلدى. ال بۇعان دەيىن 86 جوعارى وقۋ ورنى وقىتۋشىلاردى دايارلاعان بولسا, قازىر تەك 50 جوعارى وقۋ ورنى عانا مۇعالىمدەردى دايارلايدى», دەدى ايماعامبەتوۆ.
ول سوڭعى جىلدارى گرانتتار سانى ەكى ەسەگە ارتقانىن اتاپ ءوتتى. 2025 جىلعا قاراي بۇل كورسەتكىشتى 75 مىڭ گرانتقا دەيىن جەتكىزۋ جوسپارلانىپ وتىر. ستۋدەنتتەرگە ستيپەنديا مولشەرى ايتارلىقتاي ءوستى. پەداگوگتەردىڭ جالاقىسى دا ەكى ەسەگە ارتتى.
