«ەلىمىزدە تۇرعىنداردى ۆاكتسينالاۋ جۇمىسى قارقىندى جالعاسىپ جاتىر. 15 قاراشاداعى دەرەككە سۇيەنسەك, 8,5 ميلليوننان استام تۇرعىن ەكپە سالدىردى. قازاقستان ۆاكتسينالاۋ جۇمىسى جۇرگىزىلىپ جاتقان 207 ەل اراسىندا 104 ورىندا بولسا, تمد ەلدەرى اراسىندا كوش باسىندا» دەدى قر دەنساۋلىق ساقتاۋ ءمينيسترى الەكسەي تسوي.
سونداي-اق, مينيستر قازاقستاندا كورونوۆيرۋس جۇقتىرۋ دەرەگى 23 پايىزعا تومەندەگەنىن جەتكىزدى. كورسەتكىش كولەمىن ارتتىرۋ ماقساتىندا ەل تۇرعىندارى وزدەرى تاڭداعان ۆاكتسينا ءتۇرىن اقىلى نەگىزدە سالدىرا الادى. الەكسەي تسوي وسى باعىتتا كوممەرتسيالىق نەگىز ىسكە قوسىلعانىن ايتتى.
ۇكىمەت باسشىسى اسقار مامين Pfizer ۆاكتسيناسىن اقىلى نارىق سەگمەنتىنە شىعارۋدى قولدادى.
«Pfizer ۆاكتسيناسى وڭىرلەرگە جىبەرىلدى. سونىمەن قاتار ادامدار وزدەرىنىڭ تاڭداۋى بويىنشا, قاجەت ۆاكتسينانى اقىلى تۇردە الۋ مۇمكىندىگى بولۋ ءۇشىن ۆاكتسينانى نارىق سەگمەنتىنە جەتكىزۋ تۋرالى ۇسىنىستى قولدايمىن. ۆاكتسينالاردى تاسىمالداۋ كەزىندە جانە قويمالاردا ساقتاۋ رەجيمىنە ەرەكشە نازار اۋدارۋ قاجەت. وسىعان وراي اقپاراتتىق ءتۇسىندىرۋ جۇمىسىن قامتاماسىز ەتۋدى جانە رەۆاكتسيناتسيا قاعيدالارىن ساقتاۋدى سۇرايمىن», دەدى اسقار مامين.
