جوبانىڭ ماقساتى – تالدامالىق زەرتتەۋلەر مەن تالداۋ ماتىندەردى دايىنداۋ داعدىلارىن جەتىلدىرۋ بولىپ تابىلادى. ءبىرىنشى تالداۋ مەكتەبىنىڭ تاقىرىبى «تالداپ جازۋ داعدىلارىن قالىپتاستىرۋ» دەپ بەلگىلەنىپ وتىر.
مەكتەپكە مەملەكەتتىك قىزمەتكەرلەر, تالدامالىق قۇرىلىمداردىڭ, ۇلتتىق كومپانيالاردىڭ قىزمەتكەرلەرى, جاريا ساراپشىلار, جۋرناليستەر, ماگيسترانتتار, دوكتورانتتار جانە ت. ب. قاتىسا الادى.
سەنات جانىنداعى جاس ساراپشىلار كلۋبى جوباعا باستاماشى بولىپ وتىر. كلۋبقا قاتىسۋشىلار جاقىندا وتكەن وتىرىستاردىڭ بىرىندە مەملەكەتتىك باسقارۋداعى, گۋمانيتارلىق زەرتتەۋلەردەگى, باق-تاعى تالداۋ تاسىلدەرىن كۇشەيتۋ قاجەتتىگى تۋرالى پىكىر ايتىپ, جاس مامانداردىڭ تالداۋ داعدىلارىن قالىپتاستىرۋعا باعىتتالعان قوعامدىق جوبا رەتىندە تالداۋ مەكتەبىن قۇرۋدى ۇسىنعان بولاتىن.
قر پارلامەنتى سەناتىنىڭ توراعاسى ماۋلەن اشىمباەۆ بۇل باستاماعا قولداۋ ءبىلدىردى. قازاقستاندىق بىرقاتار وقۋ ورىندارى جوباعا سەرىكتەس بولىپ وتىر.
وقۋ پروتسەسى ساپالى تالداۋدىڭ ولشەمشارتتارى مەن ستاندارتتارى تەورياسىن تىڭداۋشىلاردىڭ مەڭگەرۋى توڭىرەگىندە ازىرلەنەدى. ول ءۇشىن دارىستەر, ترەنينگتەر مەن شەبەرلىك ساباقتارى ۇسىنىلادى. سودان كەيىن مەكتەپ تىڭداۋشىلارى تاجىريبە بارىسىندا تالدامالىق ماتىندەردى جازۋدىڭ داعدىلارىن ءىس جۇزىندە پىسىقتايتىن بولادى.
مەكتەپتىڭ دارىسكەرلەرى مەن تالىمگەرلەرى رەتىندە قازاقستاننان جانە شەتەلدەن كورنەكتى تالداۋشىلاردى تارتۋ جوسپارلانىپ وتىر.
تالداۋ مەكتەبى كۇندىزگى وقۋ تۇرىندە 2022 جىلدىڭ 15 قاڭتارىندا باستالادى. وتەتىن ورنى – نۇر-سۇلتان قالاسى. ساباقتار سەنبى كۇنى, كۇننىڭ ءبىرىنشى جارتىسىندا وتەدى. كۋرستىڭ ۇزاقتىعى – سەگىز اپتا.
ۇمىتكەرلەرگە قويىلاتىن تالاپتار:
- الەۋمەتتىك جانە گۋمانيتارلىق عىلىمدار سالاسى بويىنشا ءبىلىم بەرۋ (ساياساتتانۋ, حالىقارالىق قاتىناستار, الەۋمەتتانۋ, جۋرناليستيكا, فيلوسوفيا, ءدىنتانۋ جانە ت. ب.);
- ىرىكتەۋ كەزىندە تالدامالىق قۇرىلىمداردا, مەملەكەتتىك باسقارۋ جۇيەسىندە, ۇلتتىق كومپانيالاردا, عىلىمي ينستيتۋتتاردا جانە باق-تا جۇمىس تاجىريبەسى بار ۇمىتكەرلەرگە باسىمدىق بەرىلەتىن بولادى.
- قاتىسۋشىلاردىڭ جاسىنا شەكتەۋ جوق, الايدا 35 جاسقا دەيىنگى ۇمىتكەرلەر ارتىقشىلىققا يە بولادى;
- مەكتەپكە 2022 جىلدىڭ 15 قاڭتارىنان 5 ناۋرىزىنا دەيىن قاتىسۋ مۇمكىندىگى بولادى.
بايقاۋ ەكى كەزەڭدە وتەدى:
I كەزەڭ. باعدارلاماعا قاتىسۋ ءۇشىن تومەندە كورسەتىلگەن ەلەكتروندىق پوشتاعا مىناداي قۇجاتتاردى جىبەرۋ قاجەت:
- تۇيىندەمە ء(بىر بەتتەن كوپ ەمەس);
- نيەتتەنۋ حاتى (تالداۋ مەكتەبىنە قاتىسۋعا دەگەن ىنتا-ىقىلاسىڭىزدى تۇسىندىرەتىن 500 ءسوز);
- بۇرىن جاريالانعان تالدامالىق ماتەريالدارعا, سۇحباتتارعا, سويلەگەن سوزدەرگە سىلتەمەلەر (بار بولسا).
تۇيىندەمە, نيەتتەنۋ حاتى جانە سىلتەمەلەردى tulindinova@parlam.kz ەلەكتروندى پوشتاسىنا جىبەرۋ كەرەك.
II كەزەڭ. اڭگىمەلەسۋ ونلاين تۇرىندە.
ءوتىنىم بەرۋدىڭ سوڭعى مەرزىمى: 2021 جىلعى 10 جەلتوقسان 23:59 (GMT +6)
