«گەننادي گولوۆكين مەن ەكىنشى ورتا سالماقتاعى الەمنىڭ ءابسوليۋتتى چەمپيونى ساۋل الۆارەس اراسىنداعى ءۇشىنشى جەكپە-جەك بوكس الەمىندەگى ەڭ ۇلكەن كەزدەسۋ بولاتىنى بەلگىلى. ءبىز «كانەلوعا» بارىپ: «مىنە, ءبىزدىڭ نۇسقالار», دەپ ءوز ويىمىزدى بىلدىرەمىز. ءبىر سوزبەن ايتقاندا تريلوگيانى ۇيىمداستىرۋعا كۇش سالامىز. ارينە, تاڭداۋ ءساۋلدىڭ وزىندە. تريلوگيا ۇلكەن ماسشتابتاعى شايقاس ەكەنىن «كانەلو» دا تۇسىنەدى. بىزدىڭشە ساۋلدە نۇسقا كوپ بولعانىمەن, ول گولوۆكيندى تاڭداۋى ءتيىس. بۇل جەكپە-جەك ونى قاناتتاندىرادى», دەيدى ۇلىبريتانيالىق پروموۋتەر.
تريلوگيا ۇيىمداستىرىلۋى ءۇشىن ءبىرىنشى كەزەكتە گەننادي گولوۆكين جاپونيالىق ريوتا مۋراتانى ەركىن مانەردە جەڭۋى ءتيىس. سونداي-اق الۆارەس DAZN ستريمينگ قىزمەتىمەن اتالمىش شايقاسقا بايلانىستى كەلىسىمگە كەلۋى كەرەك. ءدال قازىر الۆارەس DAZN-مەن كەلىسىمىن ۇزگەنى بارىمىزگە ءمالىم.
