تولە بي اۋداندىق پوليتسيا بولىمىنە ارىزدانعان جەرگىلىكتى تۇرعىن ۇيىنە بەلگىسىز بىرەۋ كىرىپ, قارۋمەن قورقىتىپ 1 ميلليون تەڭگەسى مەن ۇيالى تەلەفونىن الىپ كەتكەنىن ايتقان. كەلتىرىلگەن جالپى شىعىن كولەمى 1 100 000 تەڭگە.
وسى وقيعانى پوليتسيا قىزمەتكەرلەرى قىلمىستىق كودەكستىڭ 192-بابى بويىنشا تىركەدى. «قاراقشىلىق» بابى بويىنشا تىركەلگەن ءىستىڭ تولىق ءمان-جايىن انىقتاۋ ءۇشىن تاجىريبەلى پوليتسەيلەردەن جەدەل-تەرگەۋ توبى قۇرىلدى. ناتيجەسىندە كۇدىكتى انىقتالىپ, ۇيىنەن ۇستالدى. تەرگەۋ بارىسىندا كۇدىكتى جابىرلەنۋشى ايەلدى ويىنشىق قارۋمەن قورقىتىپ, اقشاسىن الىپ كەتكەنى بەلگىلى بولدى.
پوليتسيا ايعاق رەتىندە تاركىلەنگەن ۇيالى تەلەفون مەن 1 ميلليون تەڭگەنى يەسىنە قايتاردى. قازىر كۇدىكتى قاماۋعا الىنىپ, تەرگەۋ امالدارى جۇرگىزىلىپ جاتىر.
