ويتكەنى, قىستىڭ قاھارى وڭىردە اشا تۇياق مال قالدىرماۋى مۇمكىن دەيدى. توتەنشە جاعداي جاريالانىپ, مەملەكەتتەن كومەك بەرىلسە, وڭىردەگى قالعان مال باسىن امان الىپ قالۋعا بولادى دەگەن پىكىردە.
- ەڭ بولماسا مال ازىعىنىڭ قازىرگى قۇنىن 50-60 پايىزعا ارزانداتىڭدارشى دەدىك. نەمەسە, وڭىردە مۇناي ىسىمەن اينالىسىپ وتىرعان كومپانيالار كومەك كورسەتسىن, ءبىزدىڭ جەرىمىزدى پايدالىپ وتىر عوي. ولار دا كومەك بەرسىن. جەم مەن ءشوپتىڭ باعاسى ەندى تۇسپەيتىن بولسا, مۇناي كومپانيالارى 50 پايىزىن تولەسىن, - دەيدى شارۋا ادىلبەك ساعىندىق.
سونىمەن قاتار, قۇدىق قازۋ مەن جايىلىم جانە شابىندىق جەرلەردى دۇرىس يگەرۋگە كوڭىل بولىنسە دەيدى. ودان بولەك, ماڭعىستاۋدىڭ جابى جىلقىسىن جانە تۇيەسىن اسىل تۇقىمدى مال قاتارىنا ەنگىزىپ, زاڭنامالاردا كورسەتىلگەن ءتۇرلى كومەكتەر بەرىلسىن دەپ وتىر.
- شارۋا قوجالىقتارىندا مال ازىعى دا تاپشى ەكەنىن كورىپ وتىرمىز. مال ازىعى ناشار بولعاندىقتان مالدىڭ دا كۇيى, قۇندىلىعى وتە تومەن. بىراق وعان قاراماستان ۇكىمەت تاراپىنان كومەك كورسەتىلىپ جاتىر, - دەدى ماڭعىستاۋ وبلىسى اۋىل شارۋاشىلىق باسقارماسىنىڭ باسشىسى قازبەك ءتاشىموۆ.
قازبەك ءتاشىموۆ جۋىردا عانا وبلىستىڭ اۋىلشاۋارۋاشىلىعى باسقارماسىنا باسشى بولىپ تاعايىندالدى. ايتۋىنشا, ءدال قازىرگى ۋاقىتتا قىسقى مال ازىعى ءۇشىن 68 مىڭ توننا ءشوپ, 30 مىڭ توننادان استام جەم قورى دايىن تۇر دەيدى ول.
