دەپارتامەنت باسشىسىنىڭ ءبىرىنشى ورىنباسارى ت.سەرىكباەۆتىڭ ايتۋىنا قاراعاندا, تىركەلگەن قىلمىستاردىڭ باسىم بولىگىن پاراقورلىق جانە جىمقىرۋ فاكتىلەرى قۇرايدى. «جىمقىرۋ فاكتىلەرى بويىنشا – 17, پاراقورلىق فاكتىلەرى بويىنشا 48 قىلمىس تىركەلگەن. سالالار بويىنشا انىقتالعان قىلمىستاردىڭ ەڭ كوپ سانى قۇقىق قورعاۋ ورگاندارىندا – 20, ءبىلىم, دەنساۋلىق ساقتاۋ, قۇرىلىس سالالارىندا – 12 قىلمىستان تىركەلدى. سونداي-اق سىبايلاس جەمقورلىق جاساعانى ءۇشىن 51 تۇلعا اشكەرەلەنىپ, 16 ادام سوتتالدى. قىلمىستىق ىستەردى تەرگەۋ شەڭبەرىندە مەملەكەتتىك ورگاندارعا 49 ۇسىنۋ ەنگىزىلىپ, ونىڭ 46-ى قارالعان. ناتيجەسىندە 24 لاۋازىمدى تۇلعا تارتىپتىك جاۋاپكەرشىلىككە تارتىلدى, ونىڭ ىشىندە 3 قىزمەتكەر اتقارىپ وتىرعان لاۋازىمنان بوساتىلسا, 5-ءۋى جۇمىستان بوساتىلدى», دەدى تالعار سەرىكباەۆ سوڭعى 10 ايدا اتقارىلعان جۇمىستار بويىنشا بەرگەن اقپاراتىندا.
سونىمەن قاتار, ول سىبايلاس جەمقورلىقتىڭ الدىن الۋ باعىتىندا ازاماتتىق قوعام ينستيتۋتتارىمەن تىعىز ءوزارا ءىس-قيمىل ماڭىزدى ءرول اتقاراتىندىعىن مالىمدەدى. بۇل ورايدا «شىمكەنت – ادالدىق الاڭى», ارنايى مونيتورينگتىك توپ جانە اقپاراتتىق-اعارتۋشىلىق شتابى تاراپىنان جۇزەگە اسىرىلعان جوبالار وڭ ناتيجە بەرگەن. مەگاپوليس تۇرعىندارىنا كەڭەستەر بەرىلەتىن Antikor Live جانە Adal Komek جوبالارى حالىقتى قىزىقتىراتىن وزەكتى ماسەلەلەردى تالقىلاۋ بويىنشا ءتيىمدى ديالوگ الاڭىنا اينالعان. جىل باسىنان بەرى دەپارتامەنتپەن 10 مەكەمەنىڭ قىزمەتىندە تالداۋ جۇرگىزىلىپ, سىبايلاس جەمقورلىق تاۋەكەلدەرى انىقتالعان. سىرتقى تالداۋلاردىڭ قورىتىندىسى بويىنشا 100-دەن اسا ۇسىنىس ەنگىزىلىپ, ولاردىڭ جارتىسىنان كوبى ورىندالدى.
سونداي-اق, دەپارتامەنت باسشىسىنىڭ ءبىرىنشى ورىنباسارى بۇگىندە شىمكەنتتە كۆازيمەملەكەتتىك سەكتوردىڭ 186 ۇيىمىندا كومپلاەنس قىزمەتى جۇمىس ىستەيتىنىن ايتتى. جىل باسىنان بەرى وتىنىشتەرى بويىنشا سىبايلاس جەمقورلىق قۇقىق بۇزۋشىلىقتارىنىڭ جولىن كەسۋگە ىقپال ەتكەن 12 تۇلعا كوتەرمەلەنىپ, ولاردىڭ سىياقى مولشەرى 2 ملن تەڭگەدەن استام سومانى قۇراعان.
