ءبىزدى شىڭداعان پارتيا

ەلىمىزدىڭ ومىرىنە جاڭا ءبىر تىنىس, ساياسي سەرپىلىس اكەلگەن كەشەگى «وتان», بۇگىنگى «نۇر وتان» پارتياسىنىڭ قۇرىلعانىنا جاقىندا 15 جىل تولادى. سول ساياسي ۇيىمنىڭ العاشقى قادامدارىنا اتسالىسقان بايىرعى مۇشەلەرىنىڭ ءبىرى رەتىندە سول جىلداردىڭ سۋرەتتەرىن كوز الدىما ەلەستەتىپ, وقيعالارىن ويعا ورالتىپ وتىرمىن. بۇگىندە تاۋەلسىز ەلىمىزدەگى بيلىك پارتياسىنا, بەدەلى اسا زور جەتەكشى ساياسي ۇيىمعا اينالعان «نۇر وتاننىڭ» قازاقستاننىڭ قازىرگى ءوسۋى مەن وركەندەۋىنە, كوپ ۇلتتى حالقىمىزدىڭ مىزعىماس بىرلىگى مەن جارقىن تىرلىگىنە ۇلكەن ۇلەس قوسىپ, قاراپايىم كوپتىڭ قورعاۋشىسى, ارمان, مۇراتتارىنىڭ قولداۋشىسى بولىپ كەلە جاتقانى قۋانتادى. ۇلكەن مەملەكەتتىڭ ۇلان-عايىر شارۋالارىنىڭ تولىسپاي تۇر­عان تۇستارى, جەتىسپەي جاتقان قىر­لارى بولسا, الدىمەن بايقاپ, دابىل قاعىپ قانا قويماي, سولاردى تۇزەتۋگە, جۇمىستارىنىڭ جاندانۋىنا سەرپىن بەرەتىن پارتيامىزدى ەل قاشاندا وزگە ساياسي پارتيالارعا قا­راعاندا تىرەك, ەس, قورعاۋشى كورە­تىنىن ايتۋ ارتىق ەمەس. كەيبىر جاۋاپ­­سىز شەنەۋنىكتەردەن, كەۋدەم­سوقتاۋ باسشىلاردان قاعاجۋ كور­گەن قاراپايىم جۇرت الدىمەن «نۇر وتانعا» كەلەدى. وسى سايا­سي ۇيىمنىڭ پارمەنىمەن ءۇمىت ۇزگەن­دەي بولعان جۇمىسىن تىندىرادى, ادىلدىك تابادى. سوندىقتان, ەلدىڭ قورعاۋشى ۇيىمىنا اينالعان سايا­سي پارتيامىزدىڭ 15 جىلدىعى ءۇ­ستىندە ونىڭ شاڭىراق كوتەرۋىنىڭ العاشقى جىلدارىن ەسكە الا وتىرساق زايىر. ءبىزدىڭ «قازاقستان رەسپۋب­لي­كاسى پرەزيدەنتىنىڭ تەلەراديو­كەشەنى» كوممەرتسيالىق ەمەس اك­تسيونەرلىك قوعامى باستاۋىش ۇيى­مىنىڭ ەسەبىندە بۇگىندە ەلباسى اكىمشىلىگىندە, ورتالىق سايلاۋ كوميسسياسىندا جانە پرەزيدەنتتىڭ تەلەراديوكەشەنىندە قىزمەتتەر اتقاراتىن 230 پارتيا مۇشەسى ەسەپتە تۇرادى. باستاۋىش ۇيىم ال­­عاشقى قۇرىلۋ كەزەڭىندە ۇكى­مەتتە, مەملەكەتتىك قىزمەت ىستەرى اگەنتتىگى مەن باسقارۋ اكادەمياسىندا جۇمىس جاسايتىن ازاماتتاردىڭ دا ساياسي پارتيالىق جۇمىستارىنا جەتەكشىلىك ەتتى. سول جىلدارى پرەزيدەنت اكىمشىلىگىندەگى پارتيا توبىنا زاۋرەش بايمولدينا, ورتالىق سايلاۋ كوميسسياسىنداعى توپقا گريگوري كۋلەش, ۇكىمەتتەگى پارتيا توبىنا دميتري گلۋكيح, مەملەكەتتىك قىزمەت ىستەرى اگەنت­تىگى مەن باسقارۋ اكادەميا­سى­نا ميرگۇل ناربينوۆا ءساتتى جە­تەك­­شىلىك ەتتى. العاشقى جىلدارى جاڭا ساياسي پارتيانىڭ قوعام­دا­عى ىقپالىن ارتتىرۋ, بەدەلىن كوتەرۋ باعىتتارىندا باستاۋىش ۇيى­مىمىز دا «بىرلىك» فيليالى مەن استانا قالالىق پارتيا ۇيىمىنىڭ كۇنبە-كۇنگى باس­شى­لىقتارىمەن كوپ جۇمىستار تىندىردى. پارتياعا الدىمەن ءتارتىپ كەرەك. ەگەر ونىڭ مۇشەسى اي سايىن­عى جارنا تولەۋدىڭ ءوزىن ۇمىتا بەرسە, ول ءوزىنىڭ وسىناۋ سايا­سي ۇيىم­عا قاتىستىلىعىن قاپەر­دەن شىعارادى. ونىڭ ساياسي-كوپشى­لىك جۇمىستارىنا دا مۇلدەم قاتىس­پايدى. ءبىز الدىمەن وسى جارنا تولەۋدەگى ۇقىپتىلىقتى جولعا قوي­دىق. وسى ارقىلى ءار پارتيا مۇشەسىنىڭ ساياسي ۇيىمنىڭ جار­عىسىنا ساي جاۋاپتىلىعىن كوتەردىك. جاسىراتىن نە بار, ال­­عاش­قى جىلدارى «وتان» پار­­تيا­­سىنىڭ قاتارىنا كەزدەيسوق, جاۋاپ­كەر­شى­لىكتى ونشا سەزىنە بەر­مەيتىندەر ءوتىپ كەتتى. جارنا تولەۋگە موينى جار بەرمەيتىندەر مەن جي­نا­لىس­تارعا مۇلدەم قاتىس­پاي­تىن­دار جانە جۇكتەلگەن پارتيالىق تاپسى­رىس­تاردى ورىندامايتىندار پارتيا مۇشەلەرىنەن شىعا باستادى. دەسەك تە, باستاۋىش ۇيىمنىڭ بيۋرو مۇشەلەرىنىڭ كومەگىمەن ونداي جانداردى تەز ارادا تارتىپكە شاقىردىق. العاشقى جىلدارى ۇكىمەتتە نەبارى 6 عانا پارتيا مۇشەسى بولسا, كەيىن بۇل پارتيا توبىنان ۇلكەن باستاۋىش ۇيىم ءوسىپ شىقتى. پارتيانىڭ العاشقى قۇرىلعان جىلدارىندا ءبىزدىڭ دە باستاۋىش ۇيىمىمىزدا 17 مۇشە عا­نا بولسا, بۇگىندە قاتارىمىز ءوسىپ, نۇروتاندىقتار سانى 230 ادام­عا جەتتى. ۇيىمنىڭ بيۋرو مۇشە­لەرى گ.كۋلەش, ب.تەمىربولات, م.جا­قى­پوۆ, گ.اجىعۇلوۆا, ج.ءۇسىن­باەۆا, ج.قوجاحمەتوۆ, ل.ءسۇ­لەيمەن, س.مۋسينا, گ.قاماروۆا, ب.بايمەشەۆ, ن.گاليحين, ر.تاۋە­كەلەۆ پارتيالىق تاپسىرىس­تار­عا ءار ۋاقىتتا دا ۇلكەن جاۋاپ­كەر­­شىلىكپەن قارايدى. وسى ادام­دارىمىزدىڭ ارقاسىندا باستاۋىش ۇيىمىمىز «بىرلىك» فيليالىنا قاراستى 47 باستاۋىش ۇيىمداردىڭ اراسىندا ءوز ورنى بار, بەلگىلەگەن شارالارىن ۋاقىتىندا ورىندايتىن, ەل ومىرىندەگى ساياسي-بۇ­قا­رالىق شارالارعا بەلسەنە قا­تى­ساتىن بىلىكتى دە ۇيىمشىل ۇيىمعا اينالا باستادى. البەتتە, باستاۋىش ۇيىم ءوزى­نىڭ كۇنبە-كۇنگى جۇمىستارىندا «بىرلىك» فيليالى مەن پارتيانىڭ جوعارى ورگاندارىنىڭ تاپسىرىستارىن, ەلباسىنىڭ مەملەكەت تاعدىرىنا, ەلدىڭ الەۋمەتتىك-ەكو­­نو­­ميكالىق ستراتەگيالارىنا قاتىستى دەرەكتيۆالارىن باس­شى­لىققا الادى. سولاردىڭ ناسيحاتشىسى, قالىڭ بۇقاراعا جەتكىزۋشىسى بولا بىلەدى. ءسوز رەتىندە, ءبىزدىڭ «بىرلىك» فيليالىنىڭ بۇگىندە 5495 پارتيا مۇشەلەرىن بىرىكتىرىپ وتىرعانىن ايتا كەتكىمىز كەلە­دى. فيليال توراعاسى اباي بي­سەم­باەۆ باستاعان بىرلىكتىك نۇروتان­دىقتار تەك 2013 جىلدىڭ وزىندە عانا حالىق اراسىندا 395 شارا وتكىزىپ, وعان 15 مىڭنان استام ادام قاتىستى. بۇل كوپشىلىك جۇ­مىس­تاردىڭ سوقتالىلارىنا ءبىر­لىك­تىك نۇروتاندىقتار جوعارى دەڭگەيلەردە وتكىزگەن كوپ بالالى انالارعا, ۇلى وتان سوعىسىنا قاتىسۋشى ايەلدەرگە, سول قيىن-قىستاۋ كەزەڭدەردە تىلدا جان اياماي ەڭبەك جاساعاندارعا ارنالعان «اسىل انالار» اتتى شارالار شوعى­رىن جاتقىزۋعا بولادى. ال اتالعان جىلدىڭ 5 ساۋىرىندە بىرلىكتىكتەر ۇيىمداستىرعان «الەم­دىك دەنساۋلىق كۇنى» باس قالا­مىزدىڭ تۇرعىندارىنا ەمدەۋ مەكەمەلەرى تەگىن قىزمەتتەر كور­سەتتى. «ءبىر تامشى قان – ءومىردى قۇت­قارۋشى» اكتسياسىنا 332 دونور قاتىسسا, «ارداگەرلەردى ارداقتايىق» شاراسىندا 156 سوعىس جانە تىل ارداگەرلەرىنە لايىقتى قۇرمەتتەر كورسەتىلدى. پارتيا ءمۇ­شە­لەرى ارنايى ساپارمەن بالالار ۇيلەرى مەن ينتەرناتتاردا بولىپ, ولارداعى تاربيەلەنۋشىلەرگە ىقىلاستى قامقورلىقتارىن كور­سەتكەن اكتسيالار دا ەستە قالدى. ەلىمىزدىڭ باس قالاسىنىڭ 15 جىل­دىعىنا ارنالعان «استانا – قا­زاق­ستان تاۋەلسىزدىگى مەن جەتىس­تىك­تەرىنىڭ ايعاعى» شاراسىنا ەلوردانىڭ 3094 تۇرعىنى بەلسەنە اتسالىستى. باستاۋىش ۇيىم «بىرلىك» فيليالىنىڭ قۇرامىندا بولعاندىقتان, وسىناۋ شارالارعا مۇمكىندىگىنشە اتسالىسا وتىرا, ءوزى تاراپىنان دا ونداعان دوڭگەلەك ۇستەلدەر تاعدىرى قىزىق ادامدارمەن جۇزدەسۋلەر وتكىزدى. ولاردىڭ اراسىندا رەسەي ەلشىلىگىمەن, ۇلتتىق قاۋىپسىزدىك كوميتەتىنىڭ اردارگەرلەر كەڭەسىمەن, استانانىڭ ىشكى ىستەر دەپارتامەنتىمەن, «سا­مۇرىق-قازىنا» قورىنىڭ «فار­ماتسيا» جشس-مەن, مادەنيەت جانە اقپارات مينيسترلىگىمەن, «پاراسات» ۇلتتىق عىلىمي-تەحنو­لو­گيالىق حولدينگى» اق-پەن ءبىر­لەسىپ وتكىزگەن شارالارعا دا «ءبىر­لىك» فيليالىنىڭ 49 باستاۋىش ۇيىمدارىنىڭ وكىل­دەرىن شاقىردىق. جۇمىسىمىزدى بۇلايشا كەڭ كولەمدە جۇرگىزۋىمىزدىڭ سەبەبى, ءبىزدىڭ تەلەراديوكەشەندەگى باس­تاۋىش ۇيىمعا فيليالدىڭ ۇگىت-ناسيحات جۇمىسىن جۇرگىزۋ ءمىن­دەتتەلگەن. ەلباسىنىڭ تاعدىر­شەشتى بيىلعى جولداۋىن حالىق زەردەسىنە جەتكىزۋ, ناسيحاتتاۋدا دا بەلسەندى ىستەر اتقارۋدامىز. باستاۋىش ۇيىم قاراپايىم ادامداردىڭ تىلەك-وتىنىشتەرىنە دە ۇلكەن جاۋاپكەرشىلىكپەن قاراپ, مۇمكىندىگىنشە قولۇشىن بەرۋگە كۇش سالادى. ارينە, باستاۋىش ۇيىمنىڭ ءوز قابىلداۋ كۇندەرى جوق. دەگەنمەن, ءبىزدىڭ ەسىگىمىز ءوز ۇيىمىمىزدىڭ ەسەبىندە تۇراتىن نۇروتاندىقتارمەن قاتار, كەز كەل­گەن قازاقستاندىققا دا ايقارا اشىق. شامامىز جەتكەنشە, كىمگە دە بولسىن قول ۇشىن بەرۋگە تىرىسامىز. پارتيا –حالىقتىڭ قىز­مەت­شىسى, ەلباسىنىڭ دا ەلگەزەك كومەكشىسى. «نۇر وتان» ءوزى قۇرىلعاننان بەرى بيلىك پەن حا­لىقتىڭ اراسىنداعى التىن كوپىر, ءتىنى ۇزىلمەس دانەكەر بولا بىلۋدە. وتكەن 14 جىلدىڭ ىشىندە باستاۋىش ۇيىمىمىز ونداعان قاراپايىم جانعا قول ۇشىن بەردى. مۇنى ءوز باسىم جەتىستىگىمىزدىڭ سوق­تالىسى دەپ ويلايمىن. ون بەس جىلدىڭ ىشىندە «نۇر وتان» ءبىزدى شىڭدادى, حالىقتىڭ شىن مانىندەگى قام­قورشىسى, ەلباسىنىڭ ەلگەزەك كومەك­شىسى بولۋعا تاربيەلەدى. الدا دا وسى نيەتتەن, وسى جولدان اينىماسىمىز انىق. سماعۇل راحىمبەك, «نۇر وتان» پارتياسى «بىرلىك» فيليالى ۇگىت-ناسيحات توبىنىڭ جەتەكشىسى, باستاۋىش ۇيىمىنىڭ توراعاسى. استانا.