تاعايىنداۋ • 12 قاراشا, 2021

ماڭعىستاۋ وبلىسى اكىمىنىڭ ورىنباسارى تاعايىندالدى

340 رەت

كورسەتىلدى

1 مين

وقۋ ءۇشىن

ماڭعىستاۋ وبلىسى اكىمىنىڭ ورىنباسارى بولىپ الىمۇحاممەد قۇتتۇمۇرات ۇلى تاعايىندالدى, دەپ حابارلايدى Egemen.kz.

گاۋھار قاپاش

ماڭعىستاۋ وبلىسى اكىمىنىڭ ورىنباسارى تاعايىندالدى

اليمۇحاممەد قۇتتۇمۇرات ۇلىنىڭ «ەكونوميكا» جانە «قۇقىقتانۋ»ماماندىقتارى بويىنشا ەكى جوعارى ءبىلىمى بار, سونداي-اق, ول - رەسەي پرەزيدەنتى جانىنداعى رەسەي حالىق شارۋاشىلىعى جانە مەملەكەتتىك قىزمەت اكادەمياسىنىڭ MPA (Master of Public Administration) ماگيسترانتى.

ەڭبەك جولىن كوممەرتسيالىق قۇرىلىمداردان باستاعان.

2008 جىلدان 2012 جىلعا دەيىن جەرگىلىكتى اتقارۋشى ورگاندار جۇيەسىندە ءتۇرلى لاۋازىمداردى اتقاردى.
2012-2016 جىلدارى ورال قالاسى اكىمىنىڭ ورىنباسارى, اتىراۋ وبلىسى اكىمى اپپاراتىنىڭ باسشىسى, اتىراۋ وبلىسى تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ باسشىسى قىزمەتتەرىن اتقارعان.
2016 جىلدان 2017 جىلعا دەيىن ماحامبەت اۋدانىنىڭ اكىمى قىزمەتىن اتقاردى.
2017-2018 جىلدارى - اتىراۋ وبلىسى جىلىوي اۋدانىنىڭ اكىمى.
2020 جىلدىڭ قىركۇيەگىنەن باستاپ بۇگىنگى كۇنگە دەيىن «جايىقمۇناي» جشس باس ديرەكتورىنىڭ ورىنباسارى قىزمەتىن اتقاردى. الىمۇحاممەد قۇتتۇمۇرات ۇلى 2021 جىلدىڭ قىركۇيەگىنەن باستاپ ماڭعىستاۋ وبلىسىن باسقارىپ وتىرعان نۇرلان نوعاەۆ اتىراۋ وبلىسىنىڭ اكىمى بولعاندا دا بىرگە جۇمىس ىستەگەن.

نۇرلان نوعاەۆ وبلىس جاڭا ورىنباسارىن تانىستىرىپ, بىرقاتار ناقتى مىندەتتەر قويدى.

ايتا كەتەيىك, بۇعان دەيىن وبلىس اكىمىنىڭ ورىنباسارى قىزمەتىن نۇرلىباي اققۇلوۆ اتقارىپ كەلگەن بولاتىن. ول دەنساۋلىق جاعدايىنا بايلانىستى ءوز ەركىمەن كەتكەنى حابارلاندى.