«جولاقىسىن تولەۋگە قاتىستى جاڭاشىلدىقتار جول ءجۇرۋ قۇنىنا اسەر ەتپەيدى. وسىعان دەيىنگى تاريفتەر سول كۇيىندە وزگەرىسسىز قالادى. سونداي-اق تولەم جاساۋ جۇيەسىن جاڭارتۋ ينۆەستوردىڭ ەسەبىنەن جۇزەگە اسىرىلماق. ياعني بيۋدجەت قاراجاتى جۇمسالمايدى. بۇگىن 3 كومپانيا ءوز ءونىمىن ۇسىنىپ وتىر, سونىڭ بىرەۋىن تاڭدايتىن بولامىز. ءبىزدىڭ سەرىكتەستەرىمىزگە قوياتىن باستى تالابىمىز جاڭارتىلعان تولەم جاساۋ جۇيەسىنىڭ جولاۋشىلار ءۇشىن ىڭعايلى بولۋى. جانە جولاۋشىدا تاڭداۋ بولۋى كەرەك», دەدى CTS (City Transportation Systems) جشس-ءنىڭ باسقارما توراعاسى بەكمىرزا يگەنبەردينوۆ ءباسپاسوز ءماسليحاتىندا.
ونىڭ ايتۋىنشا, بۇگىندە ەلوردانىڭ بىرنەشە اۆتوبۋسىندا جولاقىسىن كەز كەلگەن ەكىنشى دەڭگەيدەگى بانكتىڭ كارتاسى ارقىلى تولەۋ تەستىلەۋدەن ءوتىپ جاتىر.
پيلوتتىق جوبا اياسىنداعى تاعى ءبىر جاڭاشىلدىق جولاۋشى VISA جانە Mastercard كارتاسى, سونداي-اق NFC جۇيەسى بار سمارتفون ارقىلى دا تولەم جاساۋعا بولاتىنى ايتىلدى.
تولەم جاساۋ مەن بىرلىكتى تولتىرۋدىڭ جاڭا جۇيەسى №61 قالالىق باعىتتاعى 3 اۆتوبۋستا جانە قالا ماڭىنا قاتىنايتىن №309, 310, 315 قوعامدىق كولىكتەردە پيلوتتىق جوبا تۇرىندە ىسكە اسىپ جاتىر.
