ميكروقارجى ۇيىمدارى بانككە اينالۋى ىقتيمال

قازىر نارىقتا ميكروقار­­جىلىق قىز­مەتتى جۇزەگە اسىرا­تىن 1 064 ۇيىم, ونىڭ ىشىندە 235 ميك­­رو­قارجى ۇيىمى, 218 كرەديت سە­رىك­تەس­تىگى جانە 611 لومبارد بار. وزگە 3,5 مىڭنان استام نەسيە­لەۋ سۋبەك­تىلەرى ەرىكتى تۇردە نەمەسە سوت تار­تىبىمەن تاراتىلعان. بيىل 9 ايدىڭ قورىتىندىسى بويىنشا ميكروقارجىلىق قىزمەتتى جۇزەگە اسىراتىن بارلىق ۇيىمنىڭ جيىن­تىق نەسيە پورتفەلى 27,8 پا­يىز­عا ۇلعايىپ, 1 317,6 ملرد تەڭ­گەنى قۇرادى. سونىڭ ىشىندە ميك­رو­نەسيە پورتفەلى 635 ملرد تەڭ­گەگە جەتكەن. ونىڭ 67 پايىزى – جەكە تۇلعالارعا, 33 پايىزى زاڭدى تۇلعا­لارعا ۇسىنىلىپتى.

جاقىندا قارجى نارىعىن رەتتەۋ جانە دامىتۋ اگەنتتىگىنىڭ با­سشىسى ءمادينا ابىلقاسىموۆا اتال­عان ۇردىسكە بايلانىستى ءوز باي­­لامدارىمەن ءبولىستى. اگەنتتىك باس­­شىسىنىڭ ايتۋىنشا, 2020 جىل­­دان باستاپ ميكروقارجى ۇيىم­­­دارىنىڭ دا اگەنتتىك قاناتى­نىڭ استىنا جينالۋى نارىقتىڭ تازارىپ, سارالانۋىنا جول اشتى.

«ميكروقارجىلىق قىز­مەت­تى رەتتەۋ جانە ليتسەنزيالاۋ ەن­گىزىلگەنگە دەيىن ازاماتتار نە­­­گىزىنەن ونلاين كرەديتتەۋ كوم­­­پا­نيالارىنان جانە لوم­بارد­­­تار­دان الىنعان كرەديت­تەر قۇنى­نىڭ وتە جوعارى ەكەنىن ايتىپ شا­عىم بىل­دىرەتىن. ەگەر ەكىنشى دەڭ­گەي­دە­گى بانكتەر مەن ميكروقارجى ۇيىم­دارى ءۇشىن جىلدىق ءتيىمدى سىياقى مول­شەرلەمەسىنىڭ (جتسم) شەك­تى مولشەرى 56 پايىز كولە­­مىن­دە بەلگىلەنسە, كورسەتىل­گەن ۇيىمد­اردا سىياقى مولشەر­لەمە­سى جىلدىق كورسەتۋدە 700-1 مىڭ پا­يىز كولەمىندە بولعان. حا­لىق­تىڭ بورىش جۇكتەمەسىنىڭ باقىلاۋسىز وسۋىنە جول بەرمەۋ ماقساتىندا بارلىق كرەديتتىك ۇيىمدار ءۇشىن جتسم-ءنىڭ شەكتى مولشەرى 56 پايىز كولەمىندە بەلگىلەندى, ول نومينالدىق كور­سەتكىش بويىنشا نەمەسە ار­تىق تولەمدى ەسەپتەگەندە بەرىل­گەن كرەديت سوماسىنىڭ جىلدىق 45 پايىزىنان اسپايتىن مولشەردە باعالانادى. 2021 جىلى بانك قارىزدارى مەن ميكروكرەديتتەر بويىنشا شەكتى مولشەرلەمەلەر تومەندەتىلىپ, سارالاندى», دەيدى اگەنتتىك توراعاسى.

ونىڭ ايتۋىنشا, قاي ۇيىم بول­سىن, ميكرونەسيە بەرمەس بۇ­رىن قارىز الۋشىنىڭ بورىش جۇك­­­تەمەسىنىڭ كوەففيتسيەنتىن ەسەپ­­تەۋگە مىندەتتى. بۇل بارلىق قار­­جى ۇيىم­ىنداعى كرەديتتەر بو­يىن­­شا تولەمدەر سوماسى قارىز الۋ­شى­نىڭ اي سايىنعى كىرىسىنىڭ 50 پايى­زىنان اسپاۋى ءتيىس دەگەندى بىلدىرەدى. اگەنتتىك ەنگىزگەن تاعى ءبىر جاڭاشىلدىق – ميكروقارجى ۇيىمدارى ءۇشىن 90 كۇننەن استام مەرزىمى ءوتىپ تولەنبەگەن نەسيە بويىنشا ايىپ­پۇل مەن ءوسىمپۇلدى ەسەپتەۋگە تىيىم سالۋ.

قارجى ۇيىمدارى قاشىقتان شوت اشۋ, وزگە دە قىزمەتتەردى پاي­دا­لانۋ ماسەلەسىن شەشۋدە. بۇل قار­­جى­لىق قىزمەتتەر كولەمىنىڭ اي­­تار­­ل­ىقتاي وسۋىنە مۇمكىندىك بەر­­­مەك. تاعى ءبىر تويتارىلۋى كەرەك تۇي­ت­كىل – ونلاين نەسيە راسىم­دەۋ. ويتكەنى جالعان قۇجات­تاردى پايد­الانا وتىرىپ, جالعان ميكرو­كرە­ديتتەر بەرۋ بەلەڭ الىپ كەت­تى. سوعان وراي اگەنت­تىك بيىل ساۋىر­دە ەلەكتروندى تاسىل­مەن ميك­رو­كرەديتتەر بەرۋ قاعي­دا­لارىن قاتاڭداتتى. ەندى ەلەك­ترون­دى تاسىلمەن ميكروكرە­ديت بەرۋ ءۇشىن ەتسق-دان باسقا, ۇلت­تىق بانكتىڭ قازاقستان بانكارا­لىق ەسەپ ايىرىسۋ ورتالىعىنىڭ سەر­ۆيس­تەرى ارقىلى قارىز الۋشىنى بيو­مە­تريالىق يدەنتيفيكاتتاۋ قول­دا­نىلۋى نە ناقتى ۋاقىت رەج­ى­مىن­­دە قارىز الۋشىنىڭ دەربەس دە­رەك­تەرى مەن بەينەسىن ەكى فاكتورلى تەكسەرۋ پايدالانىلۋى مۇمكىن. جاڭا تالاپتاردىڭ ەنگى­زىلۋىنە بايلانىستى جالعان ميك­رو­كرەديتتەردى رەسىمدەۋگە قاتىس­تى شاعىمدار دا كۇرت ازايعان.

«اۋىل شارۋاشىلىعىن قار­جى­­لاندىرۋدا ماڭىزدى ءرول اتقا­راتىن كرەديتتىك سەرىكتەس­تىك­تەردىڭ ميكروكرەديتتەر پورت­فەلى جىل باسىنان بەرى 13,6 پا­يىز­عا ۇل­عايىپ, 547 ملرد تەڭگەنى قۇرا­دى. مەملەكەت باسشىسى­نىڭ تاپ­سىرماسىن ىسكە اسىرۋ ماق­­ساتىندا اگەنتتىك ميكرو جانە شا­عىن بيزنەستى كرەديتتەۋ ءۇشىن ميك­رو­قارجى ۇيىمدارىنىڭ الەۋە­تىن كەڭەيتۋ بويىنشا جۇمىستى جال­عاس­تىرادى», دەيدى م.ابىلقاسىموۆا.

ونىڭ ايتۋىنشا, ميكرو­قارجى ۇيىمدارى قازىر شاعىن جانە ورتا بيزنەستى دامىتۋ بو­يىن­شا ماڭىزدى الەۋمەتتىك فۋنك­تسيا­نى ورىنداپ, بانك مىن­دەت­تەرىن ات­قارۋعا دا دايىن ەكە­نىن اڭعار­تا باس­­تادى. قازىر ولار­دىڭ قور­لان­دىرۋ بازاسى جوق. ەندى سونى رەتتەۋ ءۇشىن KASE جانە ورتالىق دەپو­زيتا­ري جۇيەلەرىندە تىركەۋ راسىم­دەرى وڭايلاتىلماق.

«شوب سۋبەكتىلەرىن قولداۋعا باعدارلانعان ءىرى مقۇ-نى بانكتەرگە اينالدىرۋدىڭ وبەك­تيۆتى قا­جەت­تىلىگى تۋىن­دادى. ءبىز بۇل مۇم­كىن­دىكتى جا­قىن ارادا ىسكە اسىرۋدى جوس­­­پارلاپ وتىرمىز. بۇل پرو­­تسەسس باسەكەلەستىكتى دامىتۋ­عا جانە تۇ­تى­نۋشىلار ءۇشىن كورسە­تى­لەتىن قار­جىلىق قىزمەت­تەردىڭ قول­­جە­تىم­دىلىگىن ارتتىرۋ­عا ىقپال ەتەدى. سو­نى­مەن قاتار قارجى ينستيتۋت­تارى ءۇشىن بەل­گىلەنگەن جالپى پرۋ­­دەن­­تسيا­لىق تالاپتار مەن نور­ما­­لار­­دىڭ ساقتالۋىن بول­جاي­دى. ميك­رو­قارجى ونىمدەرى­نىڭ قاۋىپ­سىز­دىگى جانە تۇتىنۋشىلاردىڭ قۇ­­قىق­تارىن قورعاۋ ماسەلەسى دە وزەك­­تى. ونى شەشۋ ءۇشىن ەلەكت­رون­دى تا­­سىل­مەن ميكروكرە­ديتتەر بەرۋ قا­عي­­دا­لارى پى­سىق­تالادى. ما­سەلەن, قارىز الۋ­شى­لاردىڭ سايكەس­تەندىرۋ دەرەك­تەرىن ۇيالى بايلانىس وپەرا­تورلارىنىڭ دەرەك­تەرىمەن سالىستىرۋ مىندەتتى بولادى. بۇدان باس­قا, جالعان ميكروكرەديتتەر انىق­تال­عان كەزدە قۇقىق قورعاۋ ورگان­دارى ميكروكرەديت بويىنشا سىياقى ەسەپ­تەۋدى جانە زارداپ شەككەن ادامعا قا­تىست­ى تالاپ ارىز جۇ­مى­­سىن توق­تاتا تۇرۋ جو­نىن­دەگى شارالاردى كوزدەيدى» دەيدى اگەنتتىك باسشىسى.