ء«بىز ەل اۋماعىندا قانداي دا ءبىر قاقتىعىستاردىڭ بولعانىن قالامايمىز جانە ونىڭ الدىن الۋ ءۇشىن بارلىعىن جاساۋعا تىرىسامىز. باتىل شارالار قابىلداناتىن بولادى», دەدى ول. بەلارۋس ءسىم باسشىسى شەكاراداعى جاعدايدىڭ قالاي وربيتىنىنە ەشكىم كەپىلدىك بەرە المايتىنىن دا تىلگە تيەك ەتتى.
«بۇگىنگى تاڭدا ارىپتەستەرىمىز تاراپىنان تۋىندايتىن سىن-قاتەرلەر مەن قاۋىپتەرگە قانداي دا ءبىر سيتۋاتسيالىق دەن قويۋ سالدارىنان ناقتى بولجام ايتۋ مۇمكىن ەمەس», دەدى مينيستر.
دۇيسەنبى كۇنى بەلارۋس مەملەكەتتىك شەكارا كوميتەتى بوسقىنداردىڭ ۇلكەن توبى بەلارۋس پەن پولشا شەكاراسىنا بەت العانىن حابارلاعان بولاتىن.
پولياك كەدەرگىلەرىنىڭ الدىنداعى شەكارا سىزىعىنا 2 مىڭنان استام بوسقىن توقتادى, ونىڭ ىشىندە ايەلدەر مەن بالالاردىڭ كوپشىلىگى ستيحيالىق لاگەر قۇردى. پولياك قاۋىپسىزدىك كۇشتەرى ولاردى جىبەرمەگەندىكتەن, ميگرانتتار كەدەرگىلەردى جەڭۋگە تىرىستى.
جاقىندا ليتۆا, لاتۆيا جانە پولشا بەلارۋس ەلىنەن كەلىپ, شەكارادا ۇستالعان زاڭسىز ميگرانتتار سانىنىڭ وسكەنىن حابارلادى. ولار رەسمي مينسكىنى كوشى-قون داعدارىسىن جاسادى دەپ ايىپتادى. مينسك بارلىق ايىپتاۋلاردى جوققا شىعاردى. جاعدايعا بايلانىستى پولشا پرەزيدەنتى بەلارۋس مەملەكەتىمەن شەكارالاس اۋماقتاردا توتەنشە جاعداي رەجيمىن ەنگىزدى, اسكەر مەن پوليتسيا شەكارانى قورعاۋعا تارتىلدى. بەلارۋس پرەزيدەنتى الەكساندر لۋكاشەنكو مينسك بۇدان بىلاي ەو ەلدەرىنە زاڭسىز ميگرانتتاردىڭ اعىنىن توقتاتپايتىنىن اتاپ ءوتتى.
ايتكەنمەن 150-گە جۋىق زاڭسىز بوسقىندار توبى كەشە تۇندە بەلارۋس-پولشا شەكاراسىنا شابۋىل جاساعانى ءمالىم بولدى. بۇل تۋرالى پولشا ءىىم وكىلدەرى حابار تاراتتى.
