«بيىل العاش رەت ىلكى جوبا رەتىندە اۋىز سۋدى ەسەپكە الۋ اسپابى بولعان كەزدە ءبىر ادامعا تاۋلىگىنە 140 ليترگە دەيىن عانا سۋدى سۋبسيديالاۋ بويىنشا نورماتيۆتىك شەكتەۋ بەلگىلەدىك. اۋىلدىق جەردەگى ءاربىر تۇرعىنعا سۋدى سۋبسيديالايمىز. اۋىل تۇرعىندارىنا سۋدىڭ تەكشە مەترى سۋدى ەسەپكە الۋ اسپابى بولعاندا, 30 تەڭگەنى, ال اسپاپسىز 40 تەڭگەنى قۇرايدى. كەيدە بىزدە سۋدىڭ ناقتى قۇنى 3 مىڭ تەڭگەگە دە جەتىپ جاتادى», دەدى ول ماجىلىستەگى دوڭگەلەك ۇستەل بارىسىندا.
ونىڭ ايتۋىنشا, اۋىلدىڭ ءار تۇرعىنىنا تاۋلىگىنە 140 ليتر سۋ جەتكىلىكتى. ەگەر تۇرعىننىڭ ءبىر تاۋلىكتەگى تۇتىنعان سۋى نورمادان اسىپ كەتسە, وندا ول سۋدىڭ ارتىق كولەمىنە كوممەرتسيالىق باعامەن اقى تولەيدى.
«قازىرگى ۋاقىتتا ءدال وسىنداي نورماتيۆتىك شەكتەۋدى قالا تۇرعىندارى ءۇشىن دە ازىرلەپ جاتىرمىز. ءبىز ادامدارعا سۋدى ۇنەمدەۋدى, باعالاۋدى ۇيرەتۋىمىز كەرەك. بەلگىلەنگەن نورما اسىپ كەتكەن جاعدايدا تۇرعىندار سۋمەن جابدىقتاۋ قىزمەتىنە تولىق تاريف تولەيتىن بولادى», دەپ ناقتىلادى قايىربەك وسكەنباەۆ.
