قۇقىق بۇزۋشىلىقتاردىڭ 582 جاعدايى – ورتاشا اۋىر. تاعى 443 جاعداي اسا اۋىر, 314 جاعداي اۋىر, 264 جاعداي ونشا اۋىر ەمەس بولىپ تىركەلدى.
2020 جىلدىڭ ۇقساس كەزەڭىندە ەلىمىزدە كامەلەتكە تولماعاندارعا قاتىستى جاسالعان 1,5 مىڭ قىلمىستىق قۇقىق بۇزۋشىلىق تىركەلدى, بۇل – جىلىنا مينۋس 14,6%.
وڭىرلىك بولىنىستە كامەلەتكە تولماعاندارعا قاتىستى ەڭ كوپ بۇزۋشىلىق تۇركىستان وبلىسىندا تىركەلدى (212 جاعداي). بۇل ءبىر جىل بۇرىنعىعا قاراعاندا بىردەن 57%-عا كوپ. انتي-ليدەرلەردىڭ ۇشتىگىنە قاراعاندى (197 جاعداي) جانە الماتى (159 جاعداي) وبلىستارى دا ەندى. وسى ءۇش وڭىرگە قازاقستان بويىنشا بارلىق قۇقىق بۇزۋشىلىقتاردىڭ ۇشتەن ءبىرى كەلدى.
اتالعان سەكتورداعى ەڭ از قىلمىستار پاۆلودار وبلىسىندا جاسالدى, بارلىعى 51 جاعداي – ءبىر جىل بۇرىنعىعا قاراعاندا 52,8%-عا از.
قۇقىق بۇزۋشىلىقتار سانىنىڭ ەڭ كوپ ءوسۋى باتىس قازاقستان وبلىسىندا تىركەلگەن (جىلىنا 82,5%-عا, 73 جاعدايعا دەيىن), ەڭ كوپ تومەندەۋى – پاۆلودار وبلىسىندا.
كامەلەتكە تولماعاندارعا قاتىستى بارلىق قىلمىستاردىڭ 58,5%-ى جەكە تۇلعاعا قارسى قىلمىستىق قۇقىق بۇزۋشىلىقتارعا جاتادى, 999 جاعداي - ءبىر جىل بۇرىنعىعا قاراعاندا 14,2%-عا كوپ. كوبىنەسە ون التى جاسقا تولماعان اداممەن جىنىستىق قاتىناس نەمەسە جىنىستىق سيپاتتاعى وزگە دە ارەكەتتەر (270 جاعداي), زورلاۋ (204 جاعداي), جىنىستىق سيپاتتاعى زورلىق-زومبىلىق ارەكەتتەرى (180 جاعداي), جاس بالالاردى ازعىرۋ (125 جاعداي), دەنساۋلىققا قاساقانا اۋىرلىعى ورتاشا زيان كەلتىرۋ (68 جاعداي) سياقتى قىلمىستار جاسالدى.
