جاقىندا سەناتورلار الماتى وبلىسىندا كوشپەلى وتىرىس وتكىزىپ, «التىنكول» جانە «نۇر جولى» كەدەن بەكەتتەرىنە بارىپ, مەملەكەتتىك ورگاندارمەن جانە كاسىپكەرلەرمەن كەزدەسۋ وتكىزدى. سول كەزدەسۋدە كوتەرىلگەن ماسەلەلەردىڭ ءبىرى – قىتايمەن شەكارانى كەسىپ ءوتۋ قيىندىقتارى. وتكىزۋ پۋنكتتەرىندە جۇك اۆتوماشينالارى مەن پويىزداردىڭ جينالۋى ورىن الدى. شەكارادا جۇكتەردىڭ تۇرىپ قالۋىنا بايلانىستى وتاندىق كاسىپكەرلەر بيزنەس-قوعامداستىق تاراپىنان ۇلكەن شىعىندارعا ۇشىرادى. سەناتور, سونداي-اق كاسىپكەرلەرمەن كەزدەسۋ بارىسىندا زاڭنامالىق قامتاماسىز ەتۋدى تالاپ ەتەتىن كوپتەگەن پروبلەمالىق ماسەلەلەر كوتەرىلگەنىن اتاپ ءوتتى. وسىعان بايلانىستى دەپۋتات وتكىزۋ بەكەتتەرىندەگى جاعدايدى جاقسارتۋ بويىنشا بىرقاتار ناقتى ۇسىنىستار ايتتى.
«قتج» ۇك» اكتسيونەرلىك قوعامىنىڭ تسيفرلىق ترانسفورماتسياسىنىڭ كەشەندى ستراتەگياسىن جاساۋ, قاعاز قۇجات اينالىمىن الىپ تاستاۋ, لوكوموتيۆتىك تارتقىش, سونداي-اق تەمىر جول جەلىسى ماسەلەلەرىن شەشۋ, بىرىڭعاي اقپاراتتىق دەرەكقور قۇرۋ ارقىلى كولىكتىك باقىلاۋ ۋچاسكەسىن تسيفرلاندىرۋ, قىتاي تاراپىمەن جۇرگىزىلەتىن كەلىسسوزدەر شەڭبەرىندە مەملەكەتتىك ورگاندار «نۇر جولى» وتكىزۋ پۋنكتىندە تۇرىپ قالعان بوس تىركەمەلەردى قابىلداۋدى قامتاماسىز ەتۋ, تەمىرجول, اۆتوموبيل كولىگىمەن وتكىزىلەتىن قازاقستاندىق ەكسپورتتىق تاۋارلاردى قابىلداۋ ماسەلەلەرىن پىسىقتاۋ قاجەت», دەدى دەپۋتات.
