وتىرىس بارىسىندا ەاەو كەڭىستىگىندە ءدارى-دارمەك اينالىسى سالاسىن رەتتەيتىن قۇجاتقا قول قويۋ جوسپارلانۋدا. اتالعان قۇجاتتىڭ قابىلدانۋى ءدارى-دارمەك نارىعىنداعى جالپى اينالىمدى ءتيىمدى رەتكە كەلتىرىپ, جۇمىسپەن قامتۋعا, كونترافاكتىلىك ونىممەن كۇرەسۋگە, ءدارى-دارمەكتەردىڭ ساپاسىن ارتتىرۋعا جانە ولاردىڭ باعاسىن تومەندەتۋگە مۇمكىندىك بەرەدى.
ەاەو ەلدەرىنىڭ ۇكىمەت باسشىلارى وتىرىسىنىڭ نەگىزگى قارالاتىن ماسەلەسى – كەدەن كودەكسى جوباسىن قابىلداۋ ماسەلەسىن تالقىلاۋ. ول ۇقساس حالىقارالىق قۇجاتتاردى ەسەپكە الا وتىرىپ ازىرلەنگەن. وتىرىستا يزرايل مەملەكەتى ەاەو-مەن ىنتىماقتاستىققا مۇددەلى ەكەندىگىن ءبىلدىردى.
قازاقستان پرەزيدەنتى نۇرسۇلتان نازارباەۆ بيىلعى جىلدى ەلىمىزدىڭ وداققا توراعالىق ەتۋىنە وراي, ەۋرازييالىق ەكونوميكالىق وداقتىڭ ءۇشىنشى ەلدەرمەن جانە ماڭىزدى ينتەگراتسيالىق بىرلەستىكتەرمەن ەكونوميكالىق قارىم-قاتىناسىن نىعايتۋ جىلى رەتىندە جاريالاعان بولاتىن. كەلەسى جىلى ەاەو توراعالىعى قازاقستاننان قىرعىزستانعا تابىستالادى.
