بيىل EXPO-2017 كورمەسىنىڭ قۇرىلىسى باستالادى

الەم كوز تىككەن EXPO-2017 كورمەسىنىڭ قۇرىلىسى استانادا ءساۋىر ايىندا باستالادى. بۇل تۋرالى «قازاقستان» تەلەارناسى حابارلادى. EXPO نىسانىنىڭ جالپى اۋماعى - 173,4 گەكتار. بۇل اۋماقتا 24 000 شارشى مەتردى قۇرايتىن  كوپقاباتتى ۇيلەر سالىنادى. ال 148 گەكتار  جەرگە الەۋمەتتiك-مادەني, بiلiم جانە عىلىم, دەنساۋلىق ساقتاۋ نىساندارى, ساۋدا جانە ويىن-ساۋىق ورتالىقتارى مەن ساياباقتار بوي كوتەرەدى. تاعى ءبىر اتاپ وتەرىمىز, ءۇش ايعا سوزىلاتىن  كورمەگە 5 ملن.-عا جۋىق ساياحاتشى كەلەدى دەپ كۇتىلۋدە. ال كەلەر جىلى باس شاھاردا ۇزىندىعى 21,5 شاقىرىم جىلۋ ماگيسترالى تارتىلادى. ول قالانىڭ سولتۇستىك-باتىسىن, وڭتۇستىك-باتىسىن جانە EXPO-2017 الاڭىن جىلۋمەن قامتاماسىز ەتەتىن بولادى. الەمنىڭ الدىڭعى قاتارلى مەملەكەتتەرى عىلىمداعى وزىق جاڭالىقتارىن ۇسىناتىن وسى شارانىڭ ماڭىزى وراسان. ناقتىراق ايتقاندا, بالامالى قۋات كوزدەرىن ءتيىمدى پايدالانۋ ماسەلەسى باستى تاقىرىپ بولعالى وتىر. ونىڭ ماڭىزى تۋرالى وسىنىڭ الدىندا استانادا «بولاشاق ەنەرگياسى. عالامشاردىڭ تۇراقتى دامۋى» اتتى حالىقارالىق سيمپوزيۋم وتكىزىلدى. وسى جيىنعا 160 ەلدىڭ 150-گە جۋىق دەلەگاتتارى قاتىستى. سوندا بىرقاتار ماماندار ەنەرگەتيكا سالاسىنىڭ  قۋاتتىلىعىن ارتتىرۋ بالامالى قۋات كوزدەرىمەن تىكەلەي بايلانىستى ەكەنىن جوققا شىعارمادى. ەندەشە, الداعى ۋاقىتتا وتكىزىلەتىن بۇل جيىننىڭ  استانادا وتكىزىلۋىنىڭ وزىندىك ءمانى بار. ءامىرحان الماعانبەتوۆ. دەرەككوز: «قازاقستان» تەلەارناسى. فوتو: «قازاقستان» تەلەارناسى.