فرانتسيا ەلىمىزدىڭ ەۋروپالىق وداقتاعى ستراتەگيالىق ارىپتەسى بولىپ تابىلاتىنىن اتاپ وتكەن ءماجىلىس سپيكەرى قازاقستان باسشىلىعىنىڭ ەكىجاقتى ساياسي بايلانىستاردى نىعايتۋعا, سونداي-اق قازاقستان مەن فرانتسيا اراسىنداعى ساۋدا-ەكونوميكالىق ءوزارا ءىس-قيمىلدى كەڭەيتۋگە ەرەكشە نازار اۋداراتىنىن اتاپ ءوتتى.
نۇرلان نىعماتۋلين مەملەكەت باسشىسىنىڭ باستاماسىمەن ەلىمىزدە ءوتىپ جاتقان ساياسي جۇيەنى رەفورمالاۋ, ەكونوميكانى جاڭعىرتۋ, ازاماتتىق قوعامدى دامىتۋ ۇدەرىستەرىنە توقتالا كەتتى.
ەكىجاقتى ىنتىماقتاستىقتى تەرەڭدەتۋدىڭ پەرسپەكتيۆالىق باعىتتارى تۋرالى ايتا كەلە, تاراپتار كولىك جانە ەنەرگەتيكا, دەنساۋلىق ساقتاۋ جانە ءبىلىم بەرۋ سالالارىن اتاپ ءوتتى. فرانتسيا ەلشىسى ديدە كانەسس اتاپ وتكەندەي, تۇراقتى دامۋ جانە «جاسىل» ەكونوميكاعا كوشۋ سالاسىنداعى قارىم-قاتىناستاردى دامىتۋ باسىمدىققا يە. بۇدان باسقا, قازاقستان مەن فرانتسيانىڭ اۋىل شارۋاشىلىعىنداعى ءوزارا ءىس-قيمىل ءۇشىن الەۋەتى زور.
ء«بىز بۇل سالادا قازاقستان – ۇلى اۋىلشارۋاشىلىق ەلى جانە فرانتسيا – ەۋروپاداعى العاشقى اگرارلىق ەل ەكەنىن ەسكەرە وتىرىپ, اسا بەلسەندى ەمەسپىز», دەدى ديدە كانەسس.
نۇرلان نىعماتۋليننىڭ ايتۋىنشا, سالالىق كوميتەتتەر مەن ىنتىماقتاستىق توپتارى اراسىنداعى تۇراقتى كەزدەسۋلەر تاجىريبەسىن جاڭارتۋ زاڭنامالىق قىزمەت تاجىريبەسىمەن, ونىڭ ىشىندە ونەركاسىپتى ەكولوگيالىق ترانسفورماتسيالاۋ, تسيفرلاندىرۋ سەكىلدى ماسەلەلەر بويىنشا الماسۋعا ىقپال ەتەدى.
