قازاقستان رەسپۋبليكاسىنىڭ ۇكىمەتى مەن قىرعىز رەسپۋبليكاسىنىڭ ۇكىمەتى اراسىنداعى وتەۋسىز اسكەري-تەحنيكالىق كومەك كورسەتۋ تۋرالى كەلىسىم 2021 جىلعى 2 ناۋرىزدا ەلوردادا جاسالدى. قر قورعانىس ءمينيسترىنىڭ ورىنباسارى رۋسلان شپەكباەۆ اتاپ وتكەندەي, قۇجاتتى پالاتانىڭ جالپى وتىرىسىندا ۇسىنا وتىرىپ, كەلىسىمنىڭ قابىلدانۋى ورتالىق ازيا وڭىرىندەگى قاۋىپسىزدىكتى نىعايتۋ قاجەتتىلىگىمەن شارتتاسقان جانە قىرعىز رەسپۋبليكاسىنىڭ قارۋلى كۇشتەرىن دامىتۋعا جاردەمدەسۋگە باعىتتالعان.
حالىقارالىق ىستەر, قورعانىس جانە قاۋىپسىزدىك جونىندەگى كوميتەتتىڭ قورىتىندىسىنا سايكەس كەلىسىم بويىنشا قازاقستان تاراپى قىرعىز تاراپىنا اسكەري م ۇلىكتى بەرۋ تۇرىندە وتەۋسىز اسكەري-تەحنيكالىق كومەك كورسەتەدى. كەلىسىمنىڭ 3-بابىنا سايكەس قازاقستان تاراپى اسكەري م ۇلىكتى ءوز اۋماعىنان قىرعىز رەسپۋبليكاسىنىڭ قوي-تاش ەلدى مەكەنىنە دەيىن اۆتوموبيل كولىگىمەن جەتكىزۋدى قامتاماسىز ەتەدى.
حالىقارالىق ىستەر, قورعانىس جانە قاۋىپسىزدىك كوميتەتى پارلامەنت ءماجىلىسىنىڭ «قازاقستان رەسپۋبليكاسىنىڭ ۇكىمەتى مەن قىرعىز رەسپۋبليكاسىنىڭ ۇكىمەتى اراسىنداعى وتەۋسىز اسكەري-تەحنيكالىق كومەك كورسەتۋ تۋرالى كەلىسىمدى راتيفيكاتسيالاۋ تۋرالى» قازاقستان رەسپۋبليكاسى زاڭىنىڭ جوباسىن ماقۇلداۋى تۋرالى ۇسىنىس ەنگىزەدى.
