«ۇلتتىق حالىق ساناعى اياقتالدى. ساناق ەل تۇرعىندارىنىڭ بارلىق ساناتىن قامتىدى. ونلاين ساۋالنامادان حالىقتىڭ 42,5%-ى ءوتتى. جاپپاي ارالاپ شىعۋ ارقىلى ساناقپەن 57,5% ادام قامتىلدى. ەل تۇرعىندارى ونلاين ساناقتان وتۋگە بەلسەنە قاتىستى», دەدى ۇلتتىق ستاتيستيكا بيۋروسىنىڭ باسشىسى.
ونىڭ سوزىنشە, حالىق ساناعىنا ساناق پەرسونالىنىڭ 25 مىڭعا جۋىق ادامى, سونداي-اق ۇلتتىق ستاتيستيكا بيۋروسىنىڭ اۋماقتىق بولىمشەلەرى مەن ورتالىق اپپاراتىنىڭ قىزمەتكەرلەرى قاتىستى.
«ۇلتتىق ستاتيستيكا بيۋروسى الىنعان دەرەكتەردى وڭدەۋگە كىرىستى. الدىن الا دەرەكتەردى جەلتوقساندا ۇسىنۋدى جوسپارلاپ وتىر. ساناقتىڭ قىسقاشا قورىتىندىسى 2020 جىلدىڭ شىلدەسىنە جوسپارلانعان. 2023 جىلدىڭ ءبىرىنشى توقسانىندا ساناقتىڭ تولىق قورىتىندىسىن جاريالايمىز», دەدى ايداپكەلوۆ.
ايتا كەتەرى, بيىل حالىق ساناعى العاش رەت ەلەكتروندى فورماتتا وتكىزىلدى.
ۇكىمەت باسشىسى وسى ماڭىزدى ساناققا بەلسەندى قاتىسقان قازاقستاندىقتارعا, سونداي-اق ۇلتتىق ستاتيستيكا بيۋروسىنىڭ قىزمەتكەرلەرى مەن ناۋقانعا جۇمىلدىرىلعان ازاماتتارعا العىس ءبىلدىردى.
