وسىلايشا, جاردەماقى اي سايىن اعىمداعى اي ءۇشىن جانە ونى الۋ قۇقىعى تۋىنداعان كۇننەن باستاپ جاردەماقى تاعايىندالعان شارتتاردى ساقتاۋ كەزەڭىنە تولەنەدى.
كۇتىم جاسالاتىن ادام قايتىس بولعان جاعدايدا جاردەماقى قايتىس بولعان ايىنا قوسا تولەنەدى.
الۋشى, سونداي-اق كۇتىم جاساۋ جۇزەگە اسىرىلاتىن ادام ەلدەن تىس جەرلەرگە تۇراقتى تۇرۋعا كەتكەن جاعدايدا جاردەماقى تولەۋ كەتكەن ايىن قوسا العاندا جۇرگىزىلەدى.
كۇتىمدى جۇزەگە اسىراتىن ادام اۋىسقان جاعدايدا جاردەماقى اۋىسىم كۇنى بويىنشا تولەنەدى.
جاردەماقى تاعايىنداۋ ءۇشىن «ازاماتتارعا ارنالعان ۇكىمەت» مەملەكەتتىك كورپوراتسياسى ارقىلى وتىنىشپەن جۇگىنىپ, مەملەكەتتىك قىزمەت كورسەتۋ ءۇشىن قاجەتتى قۇجاتتاردى قوسا بەرۋ قاجەت.
مۇگەدەكتىك العاش رەت بەلگىلەنگەن كەزدە مۇگەدەكتىگى بويىنشا جاردەماقى تاعايىنداۋ ءۇشىن ءوتىنىش بەرۋ قاجەت, ونى كۇتىم جاساۋعا قۇقىعى بار ادامدار تۇرعىلىقتى جەرى بويىنشا ءماس بولىمشەسىنە وتىنىشپەن جۇگىنە الادى.
قۇجاتتاردى تاپسىرعان كەزدە ءوتىنىش بەرۋشىگە:
- مەملەكەتتىك كورپوراتسيادا - ءتيىستى قۇجاتتاردىڭ قابىلدانعانى تۋرالى قولحات بەرىلەدى;
- ۆەدومستۆودا - تىركەلگەن كۇنى جانە مەملەكەتتىك قىزمەتتى الاتىن كۇنى, قۇجاتتاردى قابىلداعان ادامنىڭ تەگى مەن اتى-ءجونى كورسەتىلگەن ءوتىنىشتىڭ ۇزبەلى تالونى;
- پورتال ارقىلى - ءوتىنىش بەرۋشىنىڭ «جەكە كابينەتىندە» مەملەكەتتىك قىزمەت كورسەتۋ ءۇشىن سۇراۋ سالۋدىڭ قابىلدانعانى تۋرالى مارتەبە كورسەتىلەدى.
بۇل رەتتە «حالىق قاھارمانى», «قازاقستاننىڭ ەڭبەك ەرى» اتاعىنا يە بولعان, سونداي-اق كۇتىمدى جۇزەگە اسىراتىن ادامدارعا جاردەماقى تاعايىنداۋ تۋرالى ءوتىنىشتى ۇسىنۋ پرواكتيۆتى كورسەتىلەتىن قىزمەت ارقىلى جاردەماقى تاعايىنداۋ كەزىندە تالاپ ەتىلمەيدى.
بۇل ادامدارعا جاردەماقى تاعايىنداۋ ءۇشىن پورتالدا ۇيالى بايلانىس تەلەفون ءنومىرىن تىركەۋ جەتكىلىكتى. تەلەفون نومىرىنە ەڭبەك جانە حالىقتى الەۋمەتتىك قورعاۋ مينيسترلىگىنىڭ «ە-ماكەت» اقپاراتتىق جۇيەسى ارقىلى جاردەماقى تاعايىنداۋ تۋرالى حابارلاما جىبەرىلەدى.
پرواكتيۆتى قىزمەت كورسەتۋگە كەلىسىم العاننان كەيىن تەلەفون نومىرىنە بانك شوتىنىڭ ءنومىرىن راستاۋ نەمەسە ۇسىنۋ تۋرالى حابارلاما جىبەرىلەدى.
پرواكتيۆتى كورسەتىلەتىن قىزمەت ارقىلى جاردەماقى تاعايىنداۋعا ءوتىنىش جاسالعان كۇن جاردەماقى تاعايىنداۋعا كەلىسىم بەرىلگەن كۇن بولىپ ەسەپتەلەدى.
الۋشىدان sms-حابارلاما جىبەرىلگەن كۇننەن باستاپ 3 كۇنتىزبەلىك كۇن ىشىندە جاۋاپ بولماعان جاعدايدا پرواكتيۆتى قىزمەت كورسەتۋ پروتسەسى اياقتالادى.
ءىس-ارەكەتكە قابىلەتسىز, ءىس-ارەكەتكە قابىلەتى شەكتەۋلى نەمەسە قورعانشىلىققا نەمەسە قامقورشىلىققا مۇقتاج ادامدارعا جاردەماقى تاعايىنداۋ ءۇشىن ءوتىنىشتى جانە قاجەتتى قۇجاتتاردى ولاردىڭ زاڭدى وكىلدەرى بەرەدى. جاردەماقى تاعايىنداۋ ءۇشىن ءوتىنىشتى ءۇشىنشى تۇلعالار سەنىمحات بويىنشا بەرەدى.
ءوتىنىش بەرۋشى جاردەماقى تاعايىنداۋ ءۇشىن مەملەكەتتىك كورپوراتسيانىڭ بولىمشەسىنە جۇگىنگەن كەزدە ءوتىنىش بەرۋشىدە جاردەماقى تاعايىنداۋ نەمەسە تاعايىنداۋعا ءوتىنىش بەرۋ فاكتىسىنىڭ بولۋىنا, سونداي-اق ءوتىنىش بەرۋشىدە جەكە كومەكشى قىزمەتىن ۇسىنۋ فاكتىسىنىڭ بولۋىنا (كۇتىم جاسايتىن ادامعا جاردەماقى تاعايىنداۋ ءۇشىن) تەكسەرۋ جۇرگىزىلەدى.
ءتيىستى تولەمدى تاعايىنداۋ نەمەسە جاردەماقى تاعايىنداۋعا ءوتىنىش بەرۋ فاكتىسىن راستايتىن مالىمەتتەردى, سونداي-اق ۋاكىلەتتى مەملەكەتتىك ورگاننىڭ اقپاراتتىق جۇيەسىنەن جەكە كومەكشىنىڭ قىزمەتىن ۇسىنۋ فاكتىسىن راستايتىن مالىمەتتەردى (كۇتىم جاسايتىن ادامعا جاردەماقى تاعايىنداۋ ءۇشىن) العان كەزدە ءوتىنىش بەرۋشىگە ءوتىنىشتى قابىلداۋدان باس تارتۋ تۋرالى قولحات بەرىلەدى.
ءوتىنىش بەرۋشى مەملەكەتتىك كورسەتىلەتىن قىزمەت ستاندارتىندا كوزدەلگەن قۇجاتتار توپتاماسىن تولىق ۇسىنباعان نەمەسە قولدانىلۋ مەرزىمى ءوتىپ كەتكەن قۇجاتتاردى ۇسىنعان نەمەسە مەملەكەتتىك قىزمەتتى كورسەتۋ ءۇشىن قاجەتتى مالىمەتتەر بولماعان جاعدايدا, مەملەكەتتىك كورپوراتسيانىڭ قىزمەتكەرى قۇجاتتاردى قابىلداعان كۇننەن باستاپ ەكى جۇمىس كۇنى ىشىندە ءوتىنىش بەرۋشىگە قۇجاتتار توپتاماسىنىڭ قانداي تالاپتارعا سايكەس كەلمەيتىنىن جانە ونى سايكەس كەلتىرۋ مەرزىمدەرىن كورسەتە وتىرىپ حابارلاما جىبەرەدى. وسى كەزەڭدە مەملەكەتتىك قىزمەت كورسەتۋ توقتاتىلادى.
حابارلامادا كورسەتىلگەن قۇجاتتاردى سايكەس كەلتىرۋ مەرزىمى ەكى جۇمىس كۇنىن قۇرايدى.
ەگەر ءوتىنىش بەرۋشى حابارلامانى العان كۇننەن باستاپ ەكى جۇمىس كۇنى ىشىندە ونى تالاپتارعا سايكەس كەلتىرمەگەن جاعدايدا, وعان ءوتىنىشتى قابىلداۋدان باس تارتۋ تۋرالى قولحات بەرىلەدى.
قۇجاتتاردىڭ ەلەكتروندىق كوشىرمەلەرى مەملەكەتتىك كورپوراتسيا بولىمشەسى مامانىنىڭ ەتسق-مەن كۋالاندىرىلادى, ودان كەيىن ءوتىنىش بەرۋشى ۇسىنعان ءوتىنىش پەن قۇجاتتار تۇپنۇسقادا ءوتىنىش بەرۋشىگە قايتارىلادى.
الدىن الا شەشىم بويىنشا ءوتىنىش بەرۋشىنىڭ قارسىلىعىن جاردەماقى تاعايىنداۋ جونىندەگى ۋاكىلەتتى ورگاننىڭ ورىنداۋشىسى ونى العان كۇننەن باستاپ ءبىر جۇمىس كۇنى ىشىندە قابىلدايدى.
تىڭداۋ ناتيجەلەرى بويىنشا جاردەماقى تاعايىنداۋ جونىندەگى ۋاكىلەتتى ورگان جاردەماقى تاعايىنداۋ (تاعايىنداۋدان باس تارتۋ) تۋرالى شەشىم قابىلدايدى.
قالىپتاستىرىلعان ىەم جاردەماقى تاعايىنداۋ (وزگەرتۋ, تاعايىنداۋدان باس تارتۋ) تۋرالى شەشىم قابىلداۋ ءۇشىن مەملەكەتتىك كورپوراتسيانىڭ فيليالى ارقىلى جاردەماقى تاعايىنداۋ جونىندەگى ۋاكىلەتتى ورگانعا جىبەرىلەدى.
ارناۋلى مەملەكەتتىك جاردەماقى - جاردەماقىعا قۇقىعى بار ازاماتتارعا جاردەماقىلاردىڭ وزگە تۇرلەرىنە قاراماستان بەرىلەتىن اقشالاي تولەم.
بۇيرىق 2021 جىلعى 2 قاراشادان باستاپ قولدانىسقا ەنگىزىلەدى.
