بيىلعى جىلدىڭ ەرەكشەلىگى - ۇلتتىق بايانداما ەل تاۋەلسىزدىگىنىڭ 30 جىلدىعى اياسىندا دايىندالدى, وندا تاۋەلسىزدىك ۇرپاقتارىنىڭ پورترەتى جاسالىپ, 10-20-30 جىل ارالىعىندا بولعان جاستاردىڭ دامۋ ديناميكاسىنا سالىستىرمالى تالداۋ بەرىلگەن. ساپالى تالداۋ ءۇشىن 4 الەۋمەتتىك زەرتتەۋ, سونداي-اق ساراپتامالىق جانە عىلىمي قوعامداستىقپەن الەۋمەتتىك كونسۋلتاتسيالار جۇرگىزىلدى.
قاتىسۋشىلار قازاقستانداعى جاستاردىڭ قازىرگى جاعدايىنا جان-جاقتى تالداۋ جاسالعان عىلىمي ەڭبەكتىڭ پراكتيكالىق ماڭىزدىلىعىن اتاپ ءوتتى.
باياندامانىڭ عىلىمي اۆتورلارىنىڭ ءبىرى دانا ءاشىمحانوۆا جاستار اراسىنداعى وزەكتى ترەندتەر تۋرالى ايتىپ بەردى. اتاپ ايتقاندا, بۇگىنگى تاڭدا جوعارى ۇتقىرلىق, ديدجيتاليزاتسيا, زاماناۋي تەحنولوگيالاردى پايدالانۋ قارقىنى جانە سالاۋاتتى ءومىر سالتى ەڭ تانىمال ترەندتەرگە اينالىپ وتىر.
ساراپتامالىق تالقىلاۋ بارىسىندا قاتىسۋشىلار قوعامدىق-ساياسي جۇيەدە ءوز ءرولىڭدى قابىلداۋ, قالالىق جانە اۋىلدىق مەكتەپتەر اراسىنداعى الشاقتىق تۇرعىسىنان ءبىلىم بەرۋدىڭ قولجەتىمدىلىگى مەن ساپاسى, كاسىپتەر نارىعىنداعى ۇردىستەر, جاستاردىڭ عىلىمداعى مۇمكىندىكتەرى مەن پەرسپەكتيۆالارى سياقتى ماڭىزدى ماسەلەلەر قوزعالدى.
مەملەكەتتىك جاستار ساياساتىن دامىتۋدىڭ 30 جىلداعى حرونولوگياسى ماڭىزدى ءبىر بولىك بولدى. بيىلعى جىلدا جاڭا زاڭنامالىق باستامالاردى, جاستاردى دامىتۋ يندەكسىن ەنگىزۋدى, جاستاردى قولداۋدىڭ 2021-2025 جىلدارعا ارنالعان كەشەندى جوسپارىن ىسكە اسىرۋدى قامتيتىن مەملەكەتتىك جاستار ساياساتىن ىسكە اسىرۋدا جاڭا كەزەڭ باستالعانى اتاپ ءوتىلدى.
قر اقدم جاستار جانە وتباسى ىستەرى كوميتەتىنىڭ توراعاسى شاحماردان بايمانوۆ ساراپتامالىق كەزدەسۋدىڭ جۇمىسىن قورىتىندىلاي كەلە, قازاقستاندىق جاستاردىڭ وزەكتى ماسەلەلەرىن شەشۋدە مەملەكەت پەن عىلىمي-ساراپشىلىق قوعامداستىقتىڭ ءوزارا ءىس-قيمىلىنىڭ ماڭىزدىلىعىن اتاپ ءوتتى.
ء«دال وسى «حالىق ۇنىنە قۇلاق اساتىن مەملەكەتتى» ىسكە اسىرۋ اياسىنداعى جالپى كۇش-جىگەر ەلىمىزدەگى جاستار ساياساتىن ءتيىمدى دامىتۋ ىسىندەگى قازىرگى زامانعى سىن-قاتەرلەرگە دەر كەزىندە دەن قويۋعا مۇمكىندىك بەرەدى», دەدى ول.
ەستەرىڭىزگە سالا كەتەيىك, ەلباسى نۇرسۇلتان نازارباەۆتىڭ باستاماسىمەن «جاستار» عىلىمي-زەرتتەۋ ورتالىعى 2013 جىلدان باستاپ جىل سايىن «قازاقستان جاستارى» ۇلتتىق بايانداماسىن جاريالاپ كەلەدى. اعىمداعى جىلدىڭ سوڭىنا دەيىن قر اقدم تاپسىرىسى بويىنشا دايىندالاتىن ۇلتتىق بايانداما رەسمي تۇردە تانىستىرىلادى جانە كوپشىلىككە اشىق تۇردە قولجەتىمدى بولادى.
