عىلىم جەتىستىكتەرى –ەكونوميكادا

كەشە پارلامەنت سەناتىنىڭ الەۋمەتتىك-مادەني دامۋ جانە عىلىم كوميتەتى قازاقستان ۇلتتىق جاراتىلىستانۋ عىلىمدارى اكادەمياسىمەن بىرلەسىپ, «قازاقستان-2050» ستراتەگياسىن ىسكە اسىرۋ اياسىندا «عىلىمي زەرتتەۋلەردىڭ تيىمدىلىگىن قۇقىقتىق قامتاماسىز ەتۋدى جەتىلدىرۋ شارالارى جانە ولاردىڭ ناتيجەلەرىن ەلىمىزدىڭ الەۋمەتتىك-ەكونوميكالىق جاڭعىرتۋ ۇدەرىستەرىنە ەنگىزۋ» تاقىرىبىندا دوڭگەلەك ۇستەل وتكىزدى. شاراعا پارلامەنت دەپۋتاتتارى, سالالىق مينيسترلىكتەر مەن مەكەمەلەر, عىلىمي ورتا جانە وقۋ ورىندارىنىڭ وكىلدەرى قاتىستى. دوڭگەلەك ۇستەل وتىرىسىنىڭ الدىندا قاتىسۋشىلار عىلىمي-تەحنيكالىق كورمەنى تاماشالادى. وندا قاتىسۋشىلارعا ەلىمىز عىلىمىنىڭ جەتىستىكتەرى, عالىم­دارىمىزدىڭ جاڭا تەحنولوگيالىق جوبالارى مەن تەحنولوگيالىق شەشىمدەرى, سونداي-اق, وندىرىستىك ورتالارعا يننوۆاتسيا ەنگىزۋدىڭ ءىس جۇزىندەگى ناتيجەلەرى كورسەتىلدى. دوڭگەلەك ۇستەلدى الەۋمەتتىك-مادەني دامۋ جانە عىلىم كومي­تەتىنىڭ توراعاسى اقان بيجانوۆ اشىپ, جۇرگىزىپ وتىردى. وتىرىستا قازاقستان ۇلتتىق جاراتىلىستانۋ عىلىمدارى اكادەمياسىنىڭ پرە­زيدەنتى نۇرتاي ابىقاەۆ قاتى­سۋ­شىلارعا ارناپ ءسوز سويلەدى. ول مەملەكەت باسشىسىنىڭ «قا­زاق­ستان-2050» ستراتەگياسى اياسىندا العا قويىلعان مىندەتتەردىڭ قا­زاقستان عىلىمىن دامىتۋداعى ماڭىزىن ايتا كەلىپ, ۆەنچۋرلىق قارجىلاندىرۋ, زياتكەرلىك مەنشىكتى قورعاۋ, زەرتتەۋلەر مەن يننوۆاتسيانى قولداۋ تەتىكتەرىن جەتىلدىرۋدىڭ زاڭنامالىق اسپەكتىلەرى جانە عى­لىمي جاڭالىقتاردى كوممەر­تسيا­لاندىرۋ پرەزيدەنت ن.ءا.نازار­باەۆتىڭ جولداۋىن ىسكە اسىرۋدىڭ جالپىۇلتتىق جوسپارىنا ەنگى­زىلگەنىن اتاپ ءوتتى. ءوزىنىڭ سوزىندە جينالىس ءتورا­عاسى ا.بيجانوۆ ەلىمىزدىڭ عىلىمي الەۋەتىن نىعايتۋ, عىلىمعا نە­گىزدەلگەن ەكونوميكاعا كوشۋ ورنىق­تى ەكونوميكالىق دامۋعا جانە قا­زاقستاننىڭ الەمدىك نارىقتاعى باسەكەگە قابىلەتتىلىگىن قامتاماسىز ەتۋگە, سونداي-اق الەۋمەتتىك-ەكونو­ميكالىق جاڭعىرتۋدىڭ اۋقىم­دى ماسەلەلەرىن شەشۋگە ىقپال ەتەتىنىن اتاپ ءوتتى. وسىعان بايلانىستى سەناتور مەملەكەت باسشى­سىنىڭ جولداۋىندا عىلىمدى دامىتۋعا, ونىڭ ىشىندە سالانى قارجىلاندىرۋدى ءىجو-ءنىڭ قازىرگى 0,28 پايىزىنان 3 پايىزعا دەيىن كوتەرۋ ارقىلى ەرەكشە كوڭىل ءبولىنىپ وتىرعانىن جەتكىزدى. دوڭگەلەك ۇستەلدە نەگىزگى بايان­دامانى ءبىلىم جانە عىلىم ءمينيسترى اسلان ءسارىنجىپوۆ جاسادى. ول پرەزيدەنت جولداۋىنداعى ءمىن­دەت­تەردەن تۋىندايتىن مينيسترلىكتىڭ جۇمىس جوسپارى تۋرالى ايتتى. مينيسترلىك جۇمىسى عىلىم مەن يننوۆاتسيالىق دامۋدى ۇيلەستىرۋگە, ماماندار الەۋەتىنىڭ باسەكەگە قابىلەتتىلىگىن ارتتىرۋعا, عىلىم ينفراقۇرىلىمىن جاڭ­عىرتۋعا جانە ودان ءارى دامى­تۋعا باعىتتالاتىنى اتالدى. ا.ءسارىنجىپوۆتىڭ ايتۋىنشا, بۇل جوسپار عىلىمنىڭ ەكونوميكا مەن يننوۆاتسياعا ءىس جۇزىندە ارالاسۋىن قامتاماسىز ەتۋ ماقساتىندا عىلىمداعى رەفورمالاردى تەرەڭ­دەتۋدى كوزدەيدى. ول ءۇشىن مي­نيسترلىك «عىلىم تۋرالى» جانە عىلىم سالاسىنداعى نورماتيۆتىك-قۇقىقتىق قوسىمشا اكتىلەرگە وزگەرىستەر مەن تولىقتىرۋلار ەنگىزۋدى ۇسىندى. ولار عىلىمي قىزمەت ناتيجەلەرى اينالىمىن ىنتالاندىرۋدا قۇقىقتىق رەتتەۋدىڭ كەمشىلىكتەرىن كەشەندى تۇردە جويۋعا جانە ەكونوميكانىڭ ناقتى سەكتورىنا ەنگىزۋگە باعىتتالعان, دەدى مينيستر. عىلىمدى ودان ءارى دامىتۋدىڭ كەلەشەگى, وندا ءوندىرىس پەن بيز­نەس­تىڭ ىقپالداسۋى, عىلىمي قىز­مەت­تىڭ كوممەرتسيالانۋى, عىلىمي زەرت­تەۋلەردىڭ تيىمدىلىگىن ارتتىرۋ ماسەلەلەرى باسقا دا قاتى­سۋشىلاردىڭ سوزدەرىندە ايتىلدى. دوڭگەلەك ۇستەلدىڭ قورى­تىن­دىسى بويىنشا ۇسىنىستار ازىرلەنىپ, ول ءتيىستى مەملەكەتتىك ورگانداردىڭ الداعى جۇمىستارى ءۇشىن جىبەرىلەتىن بولدى. جاقسىباي سامرات, «ەگەمەن قازاقستان».