10 قاراشادا سولتۇستىك قازاقستان وبلىسىنىڭ باسىم بولىگىندە جاڭبىر, قار جاۋى ىقتيمال. وبلىستىڭ سولتۇستىگىندە, باتىسىندا تۇمان تۇسەدى, كوكتايعاق بولادى, جاياۋ بۇرقاسىن سوعادى.
وڭتۇستىك-باتىستان جەل تۇرىپ, جىلدامدىعى 15-20 م/س جەتەدى.
پەتروپاۆلدا قار ارالاس جاڭبىر جاۋادى, كوكتايعاق بولىپ, جاياۋ بۇرقاسىن سوعۋى ىقتيمال. وڭتۇستىك-باتىستان جەل سوعادى, جىلدامدىعى 15-20 م/س جەتەدى.
10 قاراشادا كۇندىز اقتوبە وبلىسىنىڭ سولتۇستىگى, باتىسىندا قاتتى جاڭبىر جاۋادى. باتىستان, سولتۇستىك-باتىستان جەل سوعادى.
10 قاراشادا كۇندىز ماڭعىستاۋ وبلىسىنىڭ باتىسىندا تۇمان ءتۇسىپ, وڭتۇستىك-شىعىستان سوعاتىن جەل سولتۇستىك-باتىسقا اۋىسادى.
اقتاۋدا جەلدىڭ ەكپىنى 15-18 م/س جەتۋى مۇمكىن. باتىس قازاقستان وبلىسىنىڭ سولتۇستىگىندە تۇمان تۇسەدى.
سونداي-اق ورالدا دا تۇمان تۇسەدى دەپ بولجانۋدا.
اقمولا وبلىسىندا جەلدىڭ جىلدامدىعى 15-20 م/س جەتەدى. كوكشەتاۋ قالاسىندا دا وڭتۇستىك-باتىستان جەل سوعادى.
