«سوڭعى جىلدارى تۇتىنۋ قارقىندى وسۋدە. ءبىزدىڭ نەگىزگى تۇتىنۋشىلارىمىز - اۆتواۋەسقويلار. 2019 جىلى كولىك سانى 140 مىڭ بولدى. 2021 جىلى ولاردىڭ سانى 313 مىڭعا جەتتى. 2019 جىلى 1,3 ميلليون توننا تۇتىنسا, 2021 جىلى 1,6 تونناعا جەتتى. بۇل جاعدايدا ءوندىرىس كولەمى ءبىر دەڭگەيدە. جاڭا ءونىم قوسىلمادى, ورتا مەرزىمدى پەرسپەكتيۆادا ءبىز جاڭا وندىرۋشىلەردى كورمەيمىز», دەدى مۇرات جۇرەبەكوۆ ۆەدومستۆودا وتكەن بريفينگتە.
ونىڭ ايتۋىنشا, سۇيىتىلعان مۇناي گازىنا وسىنداي تومەن باعامەن جانە تۇتىنۋدىڭ بەلسەندى وسۋىمەن تاپشىلىق تاڭقالارلىق جاعداي ەمەس.
«باعاعا كەلەتىن بولساق, 2019 جىلدان باستاپ ءبىز تمد-نى ەلەكتروندى ساۋدا الاڭدارىندا ىسكە اسىرۋعا كوشتىك. ءبىز جالپى كولەمنىڭ 5%-نان باستادىق, 2019 جىلعا دەيىن بارلىعى رەتتەلدى, جوسپارلى جەتكىزىلىمدەر مەن توننانىڭ تۇراقتى رەتتەلەتىن باعاسى بولدى. بۇگىندە بۇل تونناسىنا ققس-مەن 43 345 تەڭگە. بۇل - تومەن باعا. ءبىز وندىرۋشىلەر تاراپىنان وسىنداي باعامەن ءوندىرىستى كەڭەيتۋ تۋرالى ايتپاعاندا, ءتيىستى دەڭگەيدە قامتاماسىز ەتۋ مۇمكىن ەمەس دەگەن شاعىمداردىڭ جەتكىلىكتى سانىن الدىق. بۇگىندە ەسا-دا ساتۋ كولەمى 2019 جىلى 5%-دان 70%-عا دەيىن ءوستى, كەلەسى جىلدان باستاپ 100% بيرجالار ارقىلى ىسكە اسىرۋعا كوشەمىز», دەپ اتاپ ءوتتى ۆيتسە-مينيستر.
«بۇگىن, ءبىز تاۋار بيرجالارى ارقىلى 70%-عا وتكىزگەنىمىزدى ايتقان كەزدە, باعا سۇرانىس پەن ۇسىنىسپەن انىقتالادى. بيرجاعا ءوتىپ, ءبىز دەلدالداردى الىپ تاستادىق, بۇگىندە مامىلە زاۋىت پەن ساتىپ الۋشى اراسىندا جۇزەگە اسىرىلادى. سايكەسىنشە, تۇتىنۋ, ءوندىرىس بىردەي دەڭگەيدە بولعان كەزدە, بۇل باعانىڭ بەلگىلى ءبىر وسۋىنە اكەلەدى, بۇگىندە نارىق گاز جانار-جاعارمايلارىنداعى باعانى انىقتادى», دەپ تۇيىندەدى م.جۇرەبەكوۆ.
