ءماجىلىس دەپۋتاتتارى جولداعان ساۋالعا بەرگەن جاۋابىندا مينيسترلىك وكىلى پرەزيدەنت جولداۋىن ىسكە اسىرۋ جونىندەگى جالپىۇلتتىق ءىس-شارالار جوسپارىنىڭ اياسىندا عىلىم تۋرالى زاڭناماعا تۇزەتۋلەر ەنگىزىلىپ جاتقانىن ايتادى. ناقتى ايتساق, جەتەكشى عالىمداردىڭ ەڭبەگىنە اقى تولەۋ بازالىق قارجىلاندىرۋ شىعىستارىنىڭ تىزبەسىنە ەنىپ وتىر.
سونداي-اق, ىرگەلى عىلىمي زەرتتەۋلەرمەن اينالىساتىن عىلىمي ۇيىمدار ءۇشىن عىلىمدى قارجىلاندىرۋدىڭ جاڭا ءتۇرىن ەنگىزۋ كوزدەلگەن. ال عىلىمي جانە عىلىمي-تەحنيكالىق جوبالار مەن باعدارلامالاردى قارجىلاندىرۋ مەرزىمى بەس جىلعا دەيىن ۇزارتىلۋى مۇمكىن.
مينيستر ورىنباسارىنىڭ سوزىنە قاراعاندا, عىلىمعا بولىنەتىن قارجىنىڭ كولەمى مەن باعىتتارىن ايقىندايتىن ۇلتتىق عىلىمي كەڭەستىڭ شەشىمدەرى زەرتتەۋشىلەر تاراپىنان كۇمان تۋعىزسا, اپاللەتسيالىق كوميسسياعا شاعىم بەرە الادى. ول كوميسسيانىڭ قۇرامىنا جەتەكشى عالىمدار, ساراپشىلار مەن مەملەكەتتىك ورگانداردىڭ وكىلدەرىن قوسۋ جوسپارلانىپ وتىر.
